Gũcokera Maũndũ ma Cukuru ya Ũtungata wa Gĩtheokrasi
Ciũria ici nĩ ikaarĩrĩrio thĩinĩ wa Cukuru ya Ũtungata wa Gĩtheokrasi kiumia kĩa Juni 29, 2015. Tarĩki iria o kĩũria gĩkaarĩrĩrio nĩ cionanĩtio nĩgetha o kiumia mũndũ ahote gwĩka ũthuthuria akĩhaarĩria cukuru.
Nĩkĩ njĩra ĩrĩa Mikali aahũthĩrire kwarĩria Daudi ndĩarĩ njega, na andũ arĩa mahikanĩtie mangĩĩruta ũndũ ũrĩkũ kuumana na ũhoro ũcio? (2 Sam. 6:20-23) [Mĩĩ 11, w11-SW 8/1 kar. 12 kĩb. 1]
Mũnabii Nathani eekire atĩa rĩrĩa Jehova aamũrũngire nĩ ũndũ wa kwĩra Daudi athiĩ na mbere na mũbango wa gwakĩra Jehova hekarũ? (2 Sam. 7:2, 3) [Mĩĩ 11, w12-SW 2/15 kar. 24 kĩb. 6-7]
Nĩ kĩĩ gĩatũmire Nathani ahe Daudi ngerekano ĩrĩa ĩrĩ thĩinĩ wa 2 Samueli 12:1-7 handũ ha kũmwĩra ĩmwe kwa ĩmwe atĩ nĩ eekĩte mehia? Ũhoro ũcio ũngĩtũteithia atĩa gũtuĩka arutani ega? [Mĩĩ 18, w12-SW 2/15 kar. 24 kĩb. 2-3]
Nĩ kĩĩ gĩatũmire Abisalomu ahote kũheenia Aisiraeli, na tũngĩhota atĩa kwĩgitĩra kuumana na andũ arĩa matariĩ ta “Abisalomu” ũmũthĩ? (2 Sam. 15:6) [Mĩĩ 25, w12 7/15 kar. 13 kĩb. 7]
Jehova aahingĩirie Daudi mabataro atĩa hĩndĩ ĩrĩa aarĩ thĩna-inĩ, na tũngĩĩruta atĩa kuumana na ũndũ ũcio? (2 Sam. 17:27-29) [Juni 1, w08-SW 9/15 kar. 6 kĩb. 15-16]
Tũngĩĩruta atĩa kuumana na ũrĩa Daudi ekĩire mũndũ ũmwe ũtaarĩ Mũisiraeli, wetagwo Itai? (2 Sam. 18:2) [Juni 1, w09-SW 5/15 kar. 27 kĩb. 7]
Andũ arĩa akũrũ thĩinĩ wa kĩũngano mangĩĩgerekania atĩa na Barizilai? (2 Sam. 19:33-35) [Juni 8, w07-SW 7/15 kar. 15 kĩb. 1-2]
Ciugo cia Daudi ciĩgiĩ wĩhokeku iteithagia ndungata cia Jehova atĩa ũmũthĩ? (2 Sam. 22:26) [Juni 15, w10-SW 6/1 kar. 26 kĩb. 6-7]
Nathani onanirie wĩhokeku harĩ Ngai na njĩra ĩrĩkũ, na tũngĩonania wĩhokeku atĩa ũmũthĩ? (1 Ath. 1:11-14) [Juni 22, w12 2/15 kar. 25 kĩb. 1, 4-5]
Nĩ maũndũ-inĩ ta marĩkũ ndungata ya Jehova ĩngĩhũthĩra mwĩcirĩrie ũtarĩ mwagĩrĩru yune mawatho ma Jehova, ta ũrĩa Suleimani ekire? (1 Ath. 3:1) [Juni 29, w11 12/1 kar. 12 kĩb. 12-14]