Omapsalme
Epsalme laDavid.
א [Alef]
25 Omwene Jehova, ohandi uya* kwoove.
ב [Bet]
2 Kalunga kange, onde lineekela mwoove;
Ino efa nge, ndi fifwe ohoni.
Ino efa ovatondi vange va hafe omolwange.
ג [Gimel]
3 Oshoshili kutya, kape na oo te lineekele mwoove ta ka fifwa ohoni,
Ashike ovo hava kengelele vakwao nopehe na etomheno lasha, otava ka fifwa ohoni.
ד [Dalet]
4 Omwene Jehova, shiivife nge eendjila doye;
Honge nge omalila oye.
ה [He]
5 Endife nge moshili yoye nokuhonga nge,
Osheshi oove Kalunga kange kexupifo.
ו [Waw]
Efimbo alishe, onde lineekela mwoove.
ז [Zayin]
6 Omwene Jehova, dimbuluka onghenda yoye nohole yoye i na oudiinini,
Oyo wa kala alushe ho ulike.*
ח [Het]
7 Ino dimbuluka omatimba omounyasha wange nomatauluko ange.
Dimbuluke nge omolwohole yoye i na oudiinini,
Omolwouwa woye, Omwene Jehova.
ט [Tet]
8 Jehova omuwa nomuyuki.
Nomolwaasho ha hongo ovalunde va ende mondjila, oyo ve na okukala.
י [Yod]
כ [Kaf]
10 Omalila aJehova aeshe oku li ohole i na oudiinini noku shii okulineekelwa
Kwaavo hava diinine ehangano laye nomadimbulukifo aye.
ל [Lamed]
11 Omwene Jehova, omolwedina loye,
Dima po enyono lange, nonande ola kwata moiti.
מ [Mem]
12 Olyelye oo ha tila Jehova?
Ote ke mu honga kombinga yondjila, oyo e na okuhoolola.
נ [Nun]
13 Ye* ota ka mona osho shiwa,
Noludalo laye otali ka kala kombada yedu.
ס [Samek]
14 Ovo hava tila Jehova ovo tava pange oukaume wopofingo naye,
Note va shiivifile ehangano laye.
ע [Ayin]
15 Omesho ange okwa tala alushe kuJehova,
Osheshi oye ta mangulula eemhadi dange monete.
פ [Pe]
16 Taalelifa oshipala shoye kwaame nokufila nge onghenda,
Osheshi ondi li aame andike, nokandi na ou ta kwafele nge.
צ [Tsade]
17 Omutima wange owa djuupalelwa neenghono;
Mangulule nge kouyehame wange.
ר [Res]
18 Tala okufininikwa kwange noupyakadi wange,
Ndele to dimi po omatimba ange aeshe.
19 Tala nghee ovatondi vange va hapupala,
Nanghee ve yele nge, nova hala okumonifa nge oshiponga.
ש [Shin]
20 Amena onghalamwenyo yange* nokuxupifa nge.
Ino efa nge, ndi fifwe ohoni, molwaashi onda konga eameno mwoove.
ת [Taw]
21 Oudiinini nouyuki nau amene nge,
Osheshi onda tula elineekelo lange mwoove.
22 Omwene Kalunga, xupifa* Israel momaudjuu aye aeshe.