Omapsalme

Yandjeni elitulemo nye ovakalimo aveshe vomounyuni,*

 2 Ovanhu aveshe, ovo inava fimana naavo va fimana,*

Oipuna neehepele.

 3 Okanya kange mwene otaka popi ounongo,

Nomadilongo omutima wange otaa ulike eendunge.

 4 Ohandi ka yandja elitulemo keyeletumbulo;

Ohandi ka yelifa otumbutumbu yange, ofimbo handi shiki okaxumbafeta.

 5 Omolwashike ndi na okutila pomafimbo oudjuu,

Ngeenge nda dingililwa kowii* waavo tava kendabala okuhanauna nge po?

 6 Ovo ve lineekela momamona avo

Naavo have litangele oupuna wavo muhapu,

 7 Kape na nande oumwe ta dulu okukulila omumwaina,

Ile okuyandja kuKalunga ekulilo omolwaye,

 8 (Ondado yekulilo lomwenyo wavo oi na ondilo,

Nomolwaasho itava dulu oku i futa nandenande);

 9 Opo a dule okukala nomwenyo fiyo alushe, noita mono elambo.*

10 Oha mono nokuli kutya novanhu ovanaendunge ohava fi;

Omalai naavo vehe na eendunge aveshe ohava xulu po,

Nomamona avo ove na oku a fiila po vamwe.

11 Momitima davo ohava kala va hala omaumbo avo a kale po fiyo alushe;

Omatwali avo a kale okudja kepupi fiyo okepupi.

12 Ashike omunhu, nonande okwa fimanekwa, ita kalelele;

Ke dule oshinamwenyo, osho hashi xulu po.

13 Ei ondjila yomalai

Noyaavo have a shikula, ovo hava hafele eendjovo dao dongaho. (Sela)

Efyo otali va lifa;

Ovayuki otave ke va pangela ongula.

Okukala po kwavo akushe otaku dimbiwa filufilu;

Ponhele yombala, Ombila* oyo tai ka kala eumbo lavo.

15 Ashike Kalunga ota ka kulila nge* momake* Ombila,*

Osheshi ota ka amena nge. (Sela)

16 Ino tila, ngeenge omunhu a punapala,

Molwaashi etumbalo leumbo laye la xuma komesho,

17 Osheshi ngeenge okwa fi, ita i nasha;

Etumbalo laye itali i naye.

20 Omunhu, oo ehe udite ko oshinima eshi, nonande okwa fimanekwa,

Ke dule oshinamwenyo, osho hashi xulu po.