Omapsalme

2 Omolwashike oiwana ya handuka,

Novanhu tava ngongota* omolwoshinima shongaho?

 2 Eehamba dokombada yedu oda fikama,

Nomalenga okwa ongala pamwe,* e limanga oukuni kumwe,

A lwife Jehova nomuvaekwa waye.*

 3 Ova ti: “Natu tokole mo omalyenge avo,

Nokukupulashi eengodi davo.”

 4 Oo e li kolukalwapangelo meulu ota ka yola;

Jehova ote ke va sheka.

 5 Pefimbo opo, ota ka popya navo a handuka,

Noku va tilifa nehandu laye linene,

 6 Ta ti: “Aame mwene nda nangeka po ohamba yange

MuSion, omhunda yange iyapuki.”

 7 Ohandi shiivifa osho Jehova a popya;

Okwa lombwela nge, a ti: “Ove omona wange;

Nena onda ninga xo.

 8 Indile nge, nohandi ke ku pa oiwana i li efyuululo loye,

Nominghulo dedu di li emona loye.

 9 Oto ke i teyaula nodibopangelo yoshivela shilaula,

Noto ke i nyanyaula ngaashi oshiyuma shedu.”

10 Onghee paife, nye eehamba, katukeni pandunge;

Nye ovapangeli vokombada yedu, tambulei ko epukululo.*

11 Longeleni Jehova mu na etilofimaneko,

Hafeni nokukakama.

12 Fimanekeni* omona, ngeenge hasho, Kalunga* ota ka handuka,

Notamu ka xula po,*

Osheshi Oha handuka diva.