Omafimbo otete
2 Ovanamati vaIsrael ovo: Ruben, Simeon, Levi, Juda, Isaskar, Sebulon, 2 Dan, Josef, Benjamin, Naftali, Gad naAsser.
3 Ovanamati vaJuda ovo: Er, Onan naShela. Ovo vatatu okwe va dalelwa komonakadona waSua, Omukaanan. Ashike Er, oshiveli shaJuda, ka li ha longo osho sha yuka koshipala shaJehova, onghee okwe mu dipaa. 4 Tamar, oshitenya shaJuda, okwe mu dalela Peres naSera. Ovana vaJuda aveshe kumwe ova li vatano.
5 Ovanamati vaPeres ovo: Hesron naHamul.
6 Ovanamati vaSera ovo: Simri, Etan, Heman, Kalkol naDara. Aveshe kumwe ova li vatano.
7 Omonamati* waKarmi oAkar,* oo a etela Israel oshiponga,* noka li omudiinini kwaasho sha tokolelwa ehanauno.
8 Omonamati* waEtan oAsaria.
9 Ovanamati vaHesron ovo: Jerahmeel, Ram naKelubai.*
10 Ram okwa dala Aminadab. Aminadab okwa dala Nashon, elenga loludalo laJuda. 11 Nashon okwa dala Salma. Salma okwa dala Boas. 12 Boas okwa dala Obed. Obed okwa dala Isai. 13 Isai okwa dala Eliab, oshiveli shaye, omutivali oAbinadab, omutitatu oSimea, 14 omutine oNetanel, omutitano oRaddai, 15 omutihamano oOsem nomutiheyali oDavid. 16 Ovamwainakadona vavo ovo: Serua naAbigail. Ovanamati vaSerua ovo: Abisai, Joab naAsahel. Aveshe kumwe vatatu.17 Abigail okwa dala Amasa, na xe yaAmasa oJeter, Omuismael.
18 Kaleb,* omonamati waHesron, okwa dala nomukulukadi waye, Asuba, nosho yo naJeriot; ovanamati vavo ovo: Jeser, Sobab naArdon. 19 Eshi Asuba a fya, Kaleb okwa hombola Efrat, oo e mu dalela Hur. 20 Hur okwa dala Uri. Uri okwa dala Besaleel.
21 Lwanima, Hesron okwa hombola omonakadona waMakir, xe yaGilead, eshi a li e na eedula 60. Okwa nangala naye, ndele te mu dalele Segub. 22 Segub okwa dala Jair, oo a li e na oilando 23 medu laGilead. 23 Lwanima, Ovagesur nOvasiria ova nyeka ko Havvot-jair kuvo, pamwe naKenat nosho yo eedoolopa dasho,* oilando 60. Aveshe ovo ova li oludalo laMakir, xe yaGilead.
24 Konima eshi Hesron a fila muKaleb-efrata, omukulukadi waye, Abia, okwe mu dalela Ashur, xe yOvatekoa.
25 Ovanamati vaJerahmeel, oshiveli shaHesron, ovo: Ram, oshiveli, Buna, Oren, Osem naAhia. 26 Jerahmeel okwa li vali e na omukulukadi umwe, nedina laye oAtara. Oye ina yaOnam. 27 Ovanamati vaRam, oshiveli shaJerahmeel, ovo: Maas, Jamin naEker. 28 Ovanamati vaOnam ovo: Sammai naJada. Ovanamati vaSammai ovo: Nadab naAbisur. 29 Edina lomukulukadi waAbisur oAbihail, oo e mu dalela Ahban naMolid. 30 Ovanamati vaNadab ovo: Seled naAppaim. Ashike Seled okwa fya ehe na ovana. 31 Omonamati* waAppaim oIshi. Omonamati* waIshi oSesan, nomonamati* waSesan oAhlai. 32 Ovanamati vaJada, omumwainamati waSammai ovo: Jeter naJonatan. Ashike Jeter okwa fya ehe na ovana. 33 Ovanamati vaJonatan ovo: Pelet naSasa. Ovo ova li oludalo laJerahmeel.
34 Sesan ka li e na ovanamati, okwa li ashike e na ovanakadona. Sesan okwa li e na omupiya Omuegipiti, nedina laye oJarha. 35 Sesan okwa yandja omonakadona waye a ninge omukulukadi womupiya waye, Jarha, nokwe mu dalela Attai. 36 Attai okwa dala Natan. Natan okwa dala Sabad. 37 Sabad okwa dala Eflal. Eflal okwa dala Obed. 38 Obed okwa dala Jehu. Jehu okwa dala Asaria. 39 Asaria okwa dala Heles. Heles okwa dala Eleasa. 40 Eleasa okwa dala Sisemai. Sisemai okwa dala Sallum. 41 Sallum okwa dala Jekamia. Jekamia okwa dala Elisama.
42 Ovanamati vaKaleb,* omumwaina waJerahmeel, ovo: Mesa, oshiveli shaye, oo a dala Sif, nosho yo ovanamati vaMaresha, xe yaHebron. 43 Ovanamati vaHebron ovo: Kora, Tappua, Rekem naShema. 44 Shema okwa dala Raham, xe yaJorkeam. Rekem okwa dala Sammai. 45 Omonamati waSammai oMaon. Maon okwa dala Bet-sur. 46 Omukulukadi waKaleb wopomunghulo, Efa, okwa dala Haran, Mosa naGases. Haran okwa dala Gases. 47 Ovanamati vaJohdai ovo: Regem, Jotam, Gesan, Pelet, Efa naSaaf. 48 Omukulukadi waKaleb wopomunghulo, Maaka, okwa dala Seber naTirhana. 49 Mokweendela ko kwefimbo, Maaka okwa ka dala Saaf, xe yaMadmanna, naSheva, xe yaMakbena naGibea. Omonakadona waKaleb oAksa. 50 Ava ovo oludalo laKaleb.
Ovanamati vaHur, oshiveli shaEfrata, ovo: Sobal, xe yaKiriat-jearim, 51 Salma, xe yOvabetlehem, naHaref, xe yaBet-gader. 52 Ovanamati vaSobal, xe yaKiriat-jearim, ovo: Haroe netata lOvamenuhot. 53 Omihoko odo da li hadi di muKiriat-jearim odo: Ovaitri, Ovaputi, Ovasumati nOvamisrai. Momihoko odo omo mwa dja Ovasorati nOvaestaoli. 54 Ovanamati vaSalma ovo: Ovabetlehem, Ovanetofa, Ovaatrot-bet-joab, etata lOvamanahati nOvasoriti. 55 Omapata ovashangululi, ovo va li hava di muJabes, oo: Ovatirati, Ovasimati nOvasukati. Ovo Ovakeni, ovo va dja muHammat, xe yOvarekab.