Job

 3 Mbela ohashi ku etele ouwa, eshi to fininike nge,

Opo u tonde oilonga yomake oye,

Ofimbo wa hokwa omayele ovakolokoshi?

 4 Mbela ou na omesho a fa omunhu,

Ile oho tale ngaashi omunhu wongaho ha tale?

 5 Mbela omafiku oye okukalamwenyo oku li ngaashi oo ovanhu vongaho,

Ile mbela eedula doye odi li ngaashi odo domunhu,

 6 Opo u konenene omapuko ange,

Nokukala to tale omatimba ange?

 7 Ou shii kutya kandi na ondjo;

Nokape na oo ta dulu okuxupifa nge meke loye.

 8 Omake oye mwene okwa ma nge nokwa shita nge,

Ashike paife owa hala okuhanauna nge po filufilu.

 9 Alikana, dimbuluka kutya, owa ma nge okudja melova,

Ndele paife oto shuna nge mondwi yedu.

10 Mbela ino tila nge shi ngaashi omashini,

Nokupameka nge ngaashi eshini?*

11 Owa dika nge oshipa nombelela,

Nowa tungila nge kumwe nomakipa nosho yo omifipa.

12 Owa pa nge omwenyo, nowa ulikila nge ohole i na oudiinini;

Owa amena omhepo* yange, eshi wa fila nge oshisho.

14 Ngeenge onda nyono, oto mono nge,

Noito ka efa nge omolwomanyono ange.

Ndele nonande kandi na etimba, itandi dulu okuyelula omutwe wange,

Molwaashi onda fya ohoni neenghono, nonda fininikwa.

16 Ngeenge onda yelula omutwe wange, oto kongo nge ngaashi onghoshi;

Natango, oto longifa eenghono doye u monife nge oshiponga.

17 Owa etela nge eembangi dipe di pataneke nge,

Nowa handukila nge neenghono,

Eshi oudjuu tau hange nge wa shikulafana.

19 Ngeno onda kala nda fa ndaha li po nande onale;

Ngeno onda kufilwe moshidalelo nda yuka mombila.’

20 Omafiku ange kamanini hamba? Na efe nge;

Omesho aye naa aluke ko kwaame, opo ndi mone epepelelo,*

21 Ofimbo inandi ya, noitandi ka aluka

Kedu lomilaulu fokofoko,*

22 Edu lomilaulu fokofoko,

Edu lomudidimbe noledundakano,

Oko nokuli nouyelele u li ngaashi omulaulu.”