Omayeletumbulo
1 Omayeletumbulo aSalomo, omonamati waDavid, ohamba yaIsrael:
2 Opo va mone* ounongo noutekuduliko;
Opo va ude ko eendjovo dounongo;
3 Va mone outekuduliko, oo hau yandje eendunge,
Ouyuki, eendunge dokuyoolola nosho yo va kale ovanashili;
4 Okuyandja eendunge kwaao ehe na owino;
Okukwafela omulumenhu omunyasha a kale e na eshiivo noku kale ha diladila pandunge.
5 Omunaendunge oha pwilikine noha tambula ko omayele mahapu;
Omunhu e na eudeko oha tambula ko ewiliko liwa
6 Opo a ude ko eyeletumbulo nosho yo omupopyofano,*
Eendjovo dovanongo neetumbutumbu davo.
7 Okutila* Jehova oko efina lounongo.
Omalai oo ashike a dina ounongo noutekuduliko.
9 Oi li ngaashi oshikoroni shiwa shokomutwe woye
Nongaashi okalyenge kawa mofingo yoye.
10 Omumwange, ngeenge ovakolokoshi tave ku heke, ino va itavela.
11 Ngeenge ova ti: “Itu yeni,
Tu ka nangeleni vamwe, opo tu va dipae.
Ohatu ka hondama tu teelele ovo vehe na ondjo.
12 Ohatu ke va pona po nomwenyo ngaashi Ombila* hai ningi,
Hatu va pona po filufilu, ngaashi ovo va ya melambo.
13 Natu kufe ko oinima yavo aishe yondilo;
Ohatu ka yadeka omaumbo etu noixuulwa.*
15 Omumwange, ino va shikula.
Henuka eendjila davo,
16 Eemhadi davo ohadi endelele okulonga owii;
Ohava endelele okutilashi ohonde.
17 Itashi kwafa sha nandenande okutela onete oudila ve ku wete.
18 Nomolwaasho ava va nangela, opo va tileshi ohonde;
Ova hondama, opo va dipae vamwe.
19 Odo eendjila daavo have likongele omamona oipupulu,
Mokudipaa oovene vao.
20 Ounongo washili ohau kala tau ingida mokule mepandavanda.
Ohau yelula ondaka yao pombada mehalandjadja.
21 Ohau kala tau ingida koxulo* yomapandavanda e lipyakidila.
Ohau kala poivelo yoshilando tau ti:
22 “Fiyo onaini nye ovo muhe na eshiivo* tamu kala mwa hokwa okuhashiiva sha?
Fiyo onaini nye ovasheki tamu kala tamu hafele okusheka?
Nofiyo onaini nye omalai tamu kala mu tonde eshiivo?
23 Tambula ko epukululo lange.*
Opo nee ohandi ke ku tilila omhepo yange;
Nohandi ke ku honga eendjovo dange.
24 Onda ifana, ndele inamu kala tamu itavele;
Onda nana eke lange, ndele kapa li oo a pa nge elitulemo.
25 Omwa kala itamu tambula ko omayele ange aeshe
Nomwa ekelashi epukululo lange.
26 Ohandi ke mu yola yo, eshi tamu ka hangwa koupyakadi;
Ohandi ke mu sheka, eshi tamu ka hangwa kehaluko,
27 Eshi ehaluko leni tali ke uya, ngaashi oshikungulu,
Nomaupyakadi eni tae ke uya, ngaashi oshikungulu shomhepo,
Eshi tamu ka hangwa koudjuu nokoupyakadi.
28 Pefimbo olo otava ka kala nokwiifana nge, ndele itandi ka nyamukula;
Otava ka konga nge va mana mo, ashike itava ka mona nge,
29 Molwaashi ove tonde eshiivo,
Noinava hoolola okutila Jehova.
30 Inava tambula ko omayele ange;
Nova dina omapukululo ange aeshe.
31 Otava ka mona oilanduliko* yeenghatu davo,
Notava ka mona pauyadi oidjemo ii yeemhangela davo.
32 Osheshi okuhenakonasha kwaavo vehe na owino otaku ke va dipaifa,
Neliefo lomalai otali ke a hanaunifa po.
33 Ndele ou ta pwilikine kwaame ota ka kala meameno
Noita kala a tila okuhangwa koupyakadi.”