Omapsalme

Eimbilo lokulonda.

130 Omwene Jehova, ohandi ku ifana okudja moule.

2 Omwene Jehova, uda ondaka yange.

Omatwi oye naa yandje elitulemo, eshi handi ku lilile ekwafo.

3 Omwene Jah,* ngeno owa li ho tale* omapuko,

Ngeno, Omwene Jehova, olyelye ta dulu okukala po?

4 Osheshi pwoove ope na ediminepo lashili,

Opo u fimanekwe neenghono.*

5 Onda teelela kuJehova, onghalamwenyo yange* aishe oya teelela muye;

Onda teelela ondjovo yaye.

6 Onda teelela nodjuulufi* Jehova,

Shi dulife eshi ovanangeli va teelela ongula,

Heeno, shi dulife eshi ovanangeli va teelela ongula.

7 Israel na twikile okuteelela Jehova,

Osheshi Jehova omudiinini mohole yaye,

Noku na eenghono dinene dokukulila.

8 Ota ka kulila Israel komanyono avo aeshe.