Jesaja

20 Momudo omo Sargon, ohamba yaAssiria, a tuma Tartan* kuAsdod, okwa lwifa Asdod noku shi kwata ko. 2 Pefimbo opo, Jehova okwa popya okupitila muJesaja, omonamati waAmos, ta ti: “Inda, dula mo oshako moshiya shoye, nokudula ko eenghaku keemhadi doye.” Nokwa ninga ngaho ta ende hamunghele* nosho yo eemhadi kombada.

3 Opo nee Jehova okwa ti: “Ngaashi ashike omupiya wange Jesaja a enda hamunghele nosho yo eemhadi kombada oule weedula nhatu shi li edidiliko nosho yo oshinima shikumwifi kuEgipiti naEtiopia, 4 ohamba yaAssiria osho tai ka kwatela komesho eenghwate daEgipiti nosho yo ovo ve li moukwatwa waEtiopia, ovamati nosho yo ovalumenhu ovanamido ve li hamunghele neemhadi kombada nosho yo omatako kombada, epenge* laEgipiti. 5 Notava ka tilifwa, ndele tava ka fya ohoni Etiopia, elineekelo lavo, nosho yo Egipiti, etumba lavo.* 6 Ovakalimo vokomunghulofuta ou otava ka tya mefiku olo, ‘Tala osho sha ningilwa elineekelo letu, oko hatu tondokele, tu ka konge ekwafo nokuxupifwa omolwohamba yaAssiria! Paife ohatu ka ya onhapo peni?’”