Omafimbo otete
25 Natango, David nomalenga eengudu doilonga ova tukula ovanamati vamwe vaAsaf, vaHeman novaJedutun, va xunganeke tava longifa ouxumbafeta, oishikomwa yeengodi nomayaxa. Ou omusholondodo womadina ovalumenhu ovo va pewa oilonga oyo: 2 movanamati vaAsaf oSakkur, Josef, Netania naAsarela, ovanamati vaAsaf ve li koshi yewiliko laAsaf, ovo va xunganeka koshi yewiliko lohamba. 3 MuJedutun, ovanamati vaJedutun ovo: Gedalia, Seri, Jesaya, Simei, Hashabia naMatitia, aveshe kumwe vahamano, ve li koshi yewiliko laxe, Jedutun, ovo va xunganeka tava longifa ouxumbafeta, tava pandula nokutanga Jehova. 4 MuHeman, ovanamati vaHeman ovo: Bukkia, Mattania, Usiel, Sebuel, Jerimot, Hanania, Hanani, Eliata, Giddalti, Romanti-eser, Josbekasa, Malloti, Hotir naMahasiot. 5 Aveshe ovo ovanamati vaHeman, omumonikokule wohamba moinima i na sha naKalunga kashili, opo a fimanekwe;* kungaho, Kalunga kashili okwa pa Heman ovanamati 14 novanakadona 3. 6 Aveshe ovo ova li tava wilikwa kuxe, eshi tava imbi keumbo laJehova, tava longifa omayaxa, oishikomwa yeengodi nouxumbafeta omolwoilonga yeumbo laKalunga kashili.
Ovo va li koshi yewiliko lohamba ovo: Asaf, Jedutun naHeman.
7 Omuvalu wavo nosho yo ovamwaina, ovo va deulilwa okwiimbila Jehova, eenghulungu adishe, owa li 288. 8 Onghee okudja kwaao munini naao a kula, onghulungu pamwe naao te lihongo, ove va pa oilonga pashihoololifo.
9 Oshihoololifo shotete osha kwata Josef, omonamati waAsaf, oshitivali oGedalia (ye, ovamwainamati nosho yo ovanamati vaye ova li 12); 10 oshititatu oSakkur, ovanamati vaye novamwaina ova li 12; 11 oshitine oIsri, ovanamati vaye novamwaina ova li 12; 12 oshititano oNetania, ovanamati vaye novamwaina ova li 12; 13 oshitihamano oBukkia, ovanamati vaye novamwaina ova li 12; 14 oshitiheyali oJesarela, ovanamati vaye novamwaina ova li 12; 15 oshitihetatu oJesaya, ovanamati vaye novamwaina ova li 12; 16 oshitimuwoi oMattania, ovanamati vaye novamwaina ova li 12; 17 oshitimulongo oSimei, ovanamati vaye novamwaina ova li 12; 18 oshiti-11 oAsareel, ovanamati vaye novamwaina ova li 12; 19 oshiti-12 oHashabia, ovanamati vaye novamwaina ova li 12; 20 oshiti-13 oSubael, ovanamati vaye novamwaina ova li 12; 21 oshiti-14 oMatitia, ovanamati vaye novamwaina ova li 12; 22 oshiti-15 oJeremot, ovanamati vaye novamwaina ova li 12; 23 oshiti-16 oHanania, ovanamati vaye novamwaina ova li 12; 24 oshiti-17 oJosbekasa, ovanamati vaye novamwaina ova li 12; 25 oshiti-18 oHanani, ovanamati vaye novamwaina ova li 12; 26 oshiti-19 oMalloti, ovanamati vaye novamwaina ova li 12; 27 oshiti-20 oEliata, ovanamati vaye novamwaina ova li 12; 28 oshiti-21 oHotir, ovanamati vaye novamwaina ova li 12; 29 oshiti-22 oGiddalti, ovanamati vaye novamwaina ova li 12; 30 oshiti-23 oMahasiot, ovanamati vaye novamwaina ova li 12; 31 noshiti-24 oRomanti-eser, ovanamati vaye novamwaina ova li 12.