Omafimbo otete
9 Ovaisrael aveshe ova li va shangwa pashikulafano lomapata, nova li va shangwa mEmbo lEehamba daIsrael. Ovajuda ova li va twalwa moukwatwa kuBabilon omolwokuhenoudiinini kwavo. 2 Ovakalimo votete, ovo va shuna kedu lavo moilando yavo, ovo: Ovaisrael vamwe, ovapristeri, Ovalevi novapiya votembeli.* 3 Vamwe vomoludalo laJuda, laBenjamin, laEfraim nolaManasse, ovo va kala hava di muJerusalem, ovo: 4 Utai, omonamati waAmmihud, omonamati waOmri, omonamati waImri, omonamati waBani, womoludalo laPeres, omonamati waJuda. 5 MOvasilo oAsaia, oshiveli, novanamati vaye. 6 Movanamati vaSera oJehuel novamwaxe 690.
7 Moludalo laBenjamin oSallu, omonamati waMesullam, omonamati waHodavia, omonamati waHassenua, 8 omonamati waIbnea, omonamati waJeroham, omonamati waEla, omonamati waUssi, omonamati waMikri, nosho yo Mesullam, omonamati waSefatia, omonamati waRehuel, omonamati waIbneia. 9 Ovamwaxe, ngaashi va tumbulwa momusholondodo wondjokonona, ova li 956. Ovalumenhu aveshe ovo ova li omitwe domaukwaneumbo omapata avo.*
10 Movapristeri opa li Jedaia, Jojarib, Jakin, 11 Asaria, omonamati waHilkia, omonamati waMesullam, omonamati waSadok, omonamati waMeraiot, omonamati waAhitub, omuwiliki weumbo* laKalunga kashili, 12 Adaja, omonamati waJeroham, omonamati waPashur, omonamati waMalkia, Maasai, omonamati waAdiel, omonamati waJagsera, omonamati waMesullam, omonamati waMesillemit, omonamati waImmer, 13 pamwe novamwaxe, omitwe domaukwaneumbo omapata, ovalumenhu ovanaenghono 1 760, ve lilongekidila oilonga yomeumbo laKalunga kashili.
14 MOvalevi opa li Shemaia, omonamati waHassub, omonamati waAsrikam, omonamati waHashabia, va dja moludalo laMerari; 15 naBakbakkar, Heres, Galal, Mattania, omonamati waMikka, omonamati waSikri, omonamati waAsaf, 16 Asaf, omonamati waObadja, omonamati waShemaia, omonamati waGalal, omonamati waJedutun, naBerekia, omonamati waAsa, omonamati waElkana, ovo va li hava di meenhele dOvanetofa.
17 Ovapashukili vopoivelo ovo: Sallum, Akkub, Talmon, Ahiman nomumwaina, Sallum, oo a li omutwe, 18 nopefimbo opo okwa li poshivelo shohamba, kombinga yokoushilo. Ovo ova li ovapashukili vopoivelo yeenhanda dOvalevi. 19 Sallum, omonamati waKore, omonamati waEbiasaf, omonamati waKora, novamwaxe vomoukwaneumbo womepata laye, Ovakora, ova li tava wanifa po oilonga motembeli yaKalunga kashili, ovapashukili vopoivelo yetwali, nooxe ova kala monhanda yaJehova, ve li ovapashukili pomuvelo wokuya mo. 20 Jehova okwa li pamwe naPinehas, omonamati waEliaser, oo a kala omuwiliki wavo monakudiwa. 21 Sakaria, omonamati waMeselemia, oye a li omupashukili woposhivelo shetwali lokwoongalela.
22 Aveshe ovo va hoololwa ve li ovapashukili vopoivelo, ova li 212. Ova li peenhele davo pashikulafano lomapata avo. David naSamuel, omumonikokule, ove va nangeka po va wanife po oilonga oyo ve lineekelelwa. 23 Vo novanamati vavo ova li tava pashukile oilonga poivelo yeumbo laJehova, olo la li etwali. 24 Ovapashukili vopoivelo ova li keembinga nhee, koushilo, kouninginino, kolundume nokolukadi. 25 Ovamwaxe ova kala have uya lwoikando noikando, tava di keenhele davo, va longe pamwe navo oule womafiku aheyali. 26 Opa li omalenga* ane ovanangeli vopoivelo moilonga oyo ve lineekelelwa. Ova li Ovalevi, nova li tava pashukile eenduda* nosho yo eemhungulilo deumbo yaKalunga kashili. 27 Ova li hava kala oufiku peenhele davo, va dingilila eumbo laKalunga kashili, nova li hava file oshisho ovapashukili voilonga, nova li yo hava tuvikile oshapi nokupatulula eumbo ongula keshe.
28 Vamwe vomuvo ova li hava pashukile oilongifo, oyo ya li hai longifwa mokulongela Kalunga; ohave i valula, ngeenge tave i eta mo, nohave i valula yo, ngeenge tave i kufa mo. 29 Vamwe ova li va nangekwa po va pashukile oilongifo, oilongifo aishe iyapuki, nosho yo oufila wa nakwa nawa, omaviinyu, omaadi, eka ledimba liwa nomaadi o-balsam. 30 Vamwe vomovanamati vovapristeri ova li hava longo omaadi o-balsam. 31 Matitia, Omulevi, oshiveli shaSallum, Omukora, okwa li e lineekelelwa oilonga i na sha noinima oyo ya telekwa moipana. 32 Ovamwaxe vamwe vomOvakohat ova li tava pashukile omungome wokutalika, noku u longekida meshabata keshe.
33 Ava ovaimbi, omitwe domaukwaneumbo omapata Ovalevi, ovo va li meenduda,* ovo va mangululwa ko koinakuwanifwa imwe, molwaashi ova li ve na okuwanifa po oinakuwanifwa yavo omutenya noufiku. 34 Ovo omitwe domaukwaneumbo omapata Ovalevi pamaludalo avo, ovawiliki. Ova li hava di muJerusalem.
35 Jeiel, xe yaGibeon, okwa li ha di muGibeon. Edina lomukulukadi waye oMaaka. 36 Abdon oye a li oshiveli shaye, taku shikula Sur, Kish, Baal, Ner, Nadab, 37 Gedor, Ahio, Sakaria naMiklot. 38 Miklot okwa dala Simeam. Aveshe ova kala hava di popepi novamwaxe muJerusalem, pamwe novamwaxe vakwao. 39 Ner okwa dala Kish, Kish okwa dala Saul, Saul okwa dala Jonatan, Malkisua, Abinadab naEsbaal. 40 Omonamati waJonatan oMerib-baal. Merib-baal okwa dala Mika. 41 Ovanamati vaMika ovo: Piton, Melek, Takrea naAhas. 42 Ahas okwa dala Jara; Jara okwa dala Alemet, Asmavet naSimri. Simri okwa dala Mosa. 43 Mosa okwa dala Binea naRefaja, omonamati waye, Eleasa, omonamati waye, Asel, omonamati waye. 44 Asel okwa li e na ovanamati vahamano, omadina avo oo: Asrikam, Bokeru, Ismael, Searia, Obadja naHanan. Ovo ova li ovanamati vaAsel.