Omapsalme

143 Omwene Jehova, uda eilikano lange;

Pwilikina, eshi handi ku lilile ekwafo.

 2 Ino tokola omupiya woye,

Osheshi kape na oo e na omwenyo ta dulu okukala omuyuki moipafi yoye.

 3 Osheshi omutondi ota taataa nge;*

Okwa nyanyaulila omwenyo wange pedu.

 4 Omhepo* yange otai ninipala;

Omutima wange owa fya meni lange.

 5 Ohandi dimbuluka omafiku onale;

Ohandi dilonga koilonga yoye aishe;

Onda halelela okudilonga* koilonga yomake oye.

 6 Onda yelulila omake ange kwoove;

Onda* fa edu likukutu olo le ku fila enota. (Sela)

 7 Omwene Jehova, nyamukule nge diva;

Eenghono* dange odi li pokukana po.

Ino holeka nge oshipala shoye,

Opo ndiha kale ngaashi ovo tava i melambo.*

 8 Ongula nandi ude kombinga yohole yoye i na oudiinini,

Osheshi onde lineekela mwoove.

Shiivifile nge ondjila oyo ndi na okweenda,

Osheshi okwoove nda tala.*

10 Honge nge ndi longe ehalo loye,

Osheshi oove Kalunga kange.

Omhepo yoye oiwa;

Nai twale nge kedu la lalakana.*

12 Omolwohole yoye i na oudiinini, xulifa po* ovatondi vange;

Hanauna po aveshe ovo tava hepeke nge,*

Osheshi ame omupiya woye.