Ovatokolipangeli
5 Mefiku olo, Debora pamwe naBarak, omonamati waAbinoam, ova imba eimbilo eli:
2 “Tangeni Jehova!
OmolwOvaisrael, ovo ve liyamba, nomolwovakwaita,
Ovo ve na eexwiki inadi mangululwa.*
3 Eehamba nye, pwilikineni! Endekeni okutwi nye ovapangeli!
Ohandi imbile Jehova.
Jehova, ohandi mu imbile Kalunga kaIsrael, omaimbilohambelelo.*
4 Jehova, eshi wa dja muSeir,
Eshi wa enda moshitukulwa shaEdom,
Edu ola kakama, nodula oya loka,
Oilemo oya tilashi omeva.
5 Eemhunda oda hengumuka* moipafi yaJehova,
Nokuli naayo yaSinai osho ya ninga moipafi yaJehova, Kalunga kaIsrael.
6 Pefimbo laSamgar, omonamati waAnat,
Pefimbo laJael, eendjila kada li vali hadi endwa;
Ovanhu ova kala hava longifa eendjila dimwe.
7 Ovanamikunda vomuIsrael kava li po vali;*
Kava li po vali fiyo osheshi ame, Debora, nde uya,
Fiyo osheshi nde uya, ngaashi ina, ndi kwafele Ovaisrael.
8 Ova li va hoolola ookalunga vape;
Nomoivelo yoilando omwa li oita.
Kapa li pe na eameno, nokapa li eonga,
Mokati kOvaisrael 40 000.
9 Ame ondi li kombinga yovawiliki vaIsrael
Ovo va ile pamwe novanhu ve li ovaliyambi.
Tangeni Jehova!
10 Diladileni kwaashi!
Nye ovo hamu londo keendongi ditwima onghundu,
Ovo hamu kala omutumba pomamate ondilo,
Naavo hamu ende mondjila.
11 Omawi aavo hava xwiile oimuna okwa li a udika peenhele domeva;*
Ova li ko tava hokolola oilonga yaJehova youyuki,
Oilonga youyuki yovanamikunda vomuIsrael.
Opo nee oshiwana shaJehova osha ya koivelo yoilando.
12 Debora, kala oupafi, kala oupafi!
Kala oupafi, kala oupafi, imba eimbilo!
Barak, fikama! Wilika eenghwate doye, ove omonamati waAbinoam!
13 Ovo va xupa po ove uya kovaleli;
Oshiwana shaJehova oshe uya kwaame shi lwife ovanaenghono.
14 Ovo ve li mefilu ova dja mepata laEfraim,
Notave ku shikula, ove Benjamin, pamwe novanhu voye.
MuMakir omwa dja eendjai doita,
NomuSebulon omwa dja ovo ve na eedibo nohava kutu ovanhu metangakwaita.*
15 Omalenga omepata laIsaskar okwa li pamwe naDebora,
Barak naye okwa li a ninga ngaashi Isaskar.
Okwa li a tumwa a ye kefilu kolupadi.
Mokati komapata aRuben omwa li omalipulo omoule omomutima.
16 Omolwashike wa mbwata wa fa oshinamwenyo sha humbata eendjato mbali domitwalo,
To pwilikine kovafita, eshi tava shikile oimuna yavo omapoli?
Osheshi mokati komapata aRuben omwa li omalipulo omoule omomutima.
17 Gilead okwa kala kombada yomulonga waJordan,
Ndele omolwashike Dan a kala peeskepa?
Asser okwa li omutumba a tulumukwa komunghulo wefuta,
Nokwa kala petuliloskepa* laye.
18 Ovasebulon ova li ovanhu ovo hava tula eemwenyo davo* moshiponga fiyo omefyo;
Ovanaftali navo ova li hava tula eemwenyo davo moshiponga keemhunda.
Inadi kufa nande oshixuulwa* shoshisilveri.
20 Eenyofi oda lwa okudja meulu;
Oda lwifa Sisera okudja meendjila dado.
Omwenyo* wange, owa finda ovanaenghono.
22 Opo nee omakondo eenghambe doita daSisera okwa li taa kodola,
Eshi da li tadi faduka po onhapo yoshidudu.
23 Omweengeli waJehova okwa ti: ‘Meros na fingwe,’
‘Ovakalimo vamo nava fingwe,
Osheshi inave uya okukwafela Jehova,
Okukwafela Jehova pamwe novanaenghono.’
24 Omukainhu oo a nangekwa noupuna unene oJael,
Omukulukadi waHeber, Omukeni;
Oye a nangekwa noupuna unene movakainhu, ovo hava di momatwali.
25 Sisera okwe mu pula omeva, ndele Jael okwe mu pa omashini.
Okwe mu pa omashini a otekwa* mokalwiyo kawa.
26 Okwa kufa neke laye okatenda kokudikifa etwali,
Okwa kufa ohamala yoshiti neke laye lokolulyo.
Okwa denga Sisera nohamala, ndele omutwe waye tau nyanyauka,
Okwa nyanghaula nokwatyuula eembadu daye.
27 Sisera okwa wila pokati keemhadi daJael; okwe lidenga po nokwa kala a nangala a mwena;
Sisera okwa ongotela pokati keemhadi daJael, ndele ta wile po,
Opo a ongotela, opo a wila a findwa.
28 Omukainhu okwa li ta talele mekende,
Okwa li oina yaSisera te mu kongo,
Okwa pula a ti: ‘Omolwashike etemba laye la kala ko?
Omolwashike ndihe udite natango omatemba eenghambe daye tae linyenge?’
29 Ovakainhu ovanaendunge vomombala yaye ohave mu nyamukula;
Naye oha endulula mo te lipopile.
30 ‘Otashi dulika tave litukulile oixuulwa oyo va kwata ko,
Okakadona elela,* ile oukadona elela* vavali momukwaita keshe,
Oshixuulwa shoshikutu shaSisera sholuvala, oshixuulwa shoshikutu sholuvala,
Oshikutu sha hondjwa, oshikutu sholuvala, oikutu ivali ya hondjwa,
Ovo ve i kwata ko shiimba otave i likundike meefingo.’
31 Jehova, ovatondi voye aveshe nava xule po,
Ovo ve ku hole nava kale ngaashi etango tali minikile.”
Edu ola li la tulumukwa* oule weedula 40.