Omapsalme
Komuwiliki; oli na okwiimbwa noishikomwa yeengodi. Epsalme. Eimbilo.
67 Kalunga ote ke tu fila onghenda, noku tu nangeka noupuna;
Ote ke tu minikila noshipala shaye, (Sela)
2 Opo ondjila yoye i shiivike kombada yedu alishe,
Oilonga yoye yexupifo mokati koiwana aishe.
3 Ovanhu nave ku tange, Omwene Kalunga;
Ovanhu aveshe nave ku tange.
4 Oiwana nai nyakukwe, nokwiingida nehafo,
Osheshi oto tokola ovanhu pauyuki.
Oto wilike oiwana yokombada yedu. (Sela)
5 Ovanhu nave ku tange, Omwene Kalunga;
Ovanhu aveshe nave ku tange.
6 Edu otali ka menifa oimeno yalo;
Kalunga, Kalunga ketu, ote ke tu nangeka noupuna.
7 Kalunga ote tu nangeke noupuna,
Nominghulo adishe dedu otadi ke mu tila.*