Omapsalme

85 Omwene Jehova, owa fila onghenda edu loye;

Owa alula oludalo laJakob, olo la li la twalwa moukwatwa.

 2 Owa dima po omanyono oshiwana shoye;

Owa dima po* omatimba avo aeshe. (Sela)

 3 Owa shunifa mo ehandu loye alishe;

Owa efa po onya yoye.

 4 Omwene Kalunga kexupifo letu, tu alulila vali eenghono,*

Noino kala vali ino tu hokwa.

 6 Mbela ito ke tu alulila vali eenghono,

Opo ovanhu voye va hafe omolwoye?

 7 Omwene Jehova, tu ulikila ohole yoye i na oudiinini,

Nou tu xupife.

 8 Ohandi ka pwilikina kwaasho Kalunga kashili, Jehova, ta ti,

Osheshi ota ka popya novanhu vaye, ovadiinini vaye, nombili,

Ashike ino va efa va kale vali ve lineekela unene muvo vene.

 9 Oshoshili oku li pokuxupifa ovo have mu tila,

Opo efimano laye li kale medu letu.

10 Ohole i na oudiinini otai shakene pamwe noudiinini;

Ouyuki nombili otai xupitafana.

11 Oudiinini otau ka twiyuka medu,

Nouyuki otau ka tala pedu okudja meulu.

12 Heeno, Jehova ota ka yandja osho shiwa,*

Nedu letu otali ka menifa oikunomwa yalo.

13 Ouyuki otau mu tetekele komesho,

Notau ke mu ningila elila leemhadi daye.