Omapsalme

 2 Oilemo nomilaulu fokofoko oye mu dingilila keembinga adishe;

Ouyuki nosho yo osho sha yuka oi li ekanghameno lolukalwapangelo laye.

 3 Omundilo ohau mu tetekele,

Nokulungwinifa po ovatondi vaye keembinga adishe.

 4 Omundilo wokashelu kaye ohau minikile edu;

Edu ohali u mono nohali kakama.

 5 Eemhunda ohadi hengumuka ngaashi eshila lomaadi eenyiki koshipala shaJehova,

Moipafi yOmwene wedu alishe.

 6 Eulu ohali hepaulula ouyuki waye,

Novanhu aveshe ohava mono oshinge shaye.

 7 Aveshe ovo hava longele oshihongwafano sholudi keshe, nava fifwe ohoni,

Ovo have litangele ookalunga vavo vongaho.

 8 Sion ohe a udu, noha nyakukwa;

Eedoolopa* daJuda oda hafa,

Omolwomatokolo oye, Omwene Jehova.

 9 Osheshi ove, Omwene Jehova, oove Omukombadambada kombada yedu alishe;

Owa tumbala neenghono u dule ookalunga aveshe.

Ota amene eemwenyo dovadiinini vaye;

Ohe va xupifa meke* lovakolokoshi;

11 Ouyelele owa minikila ovayuki,

Nehafo ole uya kwaavo vayuki momitima.

12 Hafeni molwaJehova, nye ovayuki,

Nokupandula edina* laye liyapuki.