Hosea

3 Opo nee Jehova okwa lombwela nge ta ti: “Inda vali, hola omukainhu, oo e holike komulumenhu umwe, nota haelwa, ngaashi ashike Jehova e hole oshiwana shaIsrael, nande osha ya kookalunga vamwe, noshi hole oikuki yomandjebele.”*

2 Onghee onde mu lilandela koisilveri 15 nosho yo o-homer* noshitata shoilya yo-barley. 3 Opo nee onda tya kuye: “Oto ka kala wange oule womafiku mahapu. Ino ya moumbwada* noino nangala nomulumenhu umwe, nohandi ke ku lihumbatela monghedi ya faafana.”*

4 Osheshi oule wefimbo* oshiwana shaIsrael otashi ka kala shihe na ohamba, shihe na elenga, shihe na eyambo, shihe na ongudimanya noshihe na okatetahema nosho yo oihongwafano yaterafim.* 5 Okudja opo, oshiwana shaIsrael otashi ka aluka nokukonga Jehova, Kalunga kasho, nosho yo David, ohamba yasho, notashi ke uya tashi kakama kuJehova nosho yo kouwa waye pexulilo lomafiku.