Omapsalme
Maskil.* Epsalme laDavid, eshi a li mekololo. Eilikano.
142 Onda ifana Jehova nondaka yange a kwafele nge;
Onda indila Jehova nondaka yange a file nge onghenda.
2 Onde mu mbubulila omalipulo ange komesho yaye;
Onde mu lombwela shi na sha noudjuu wange komesho yaye,
3 Eshi omhepo* yange tai ninipala mwaame.
Opo nee oho tale ondjila yange.
Melila, omo handi ende,
Ova telela nge mo omwiyo.
4 Yandja elitulemo keke lange lokolulyo, ndele to tale
Kutya kape na oo e na ko nasha* naame.
5 Omwene Jehova, ohandi ku ifana u kwafele nge.
Onda ti: “Oove eameno lange,
Ashishe osho ndi na* medu lovanamwenyo.”
6 Yandja elitulemo, eshi handi ku lilile ekwafo,
Osheshi onda kanifa filufilu eenghono.
Xupife nge kovahepeki vange,
Osheshi ove na eenghono ve dule nge.
7 Kufe nge* mo modolongo
Ndi tange edina loye.
Ovayuki nava dingilile nge,
Osheshi owa ungaunga naame nonghenda.