Genesis
10 Ei ondjokonona i na sha novanamati vaNoa, Sem, Ham naJafet.
Konima yeyelu ova ka dala ounona. 2 Ovanamati vaJafet ovo: Gomer, Magog, Madai, Javan, Tubal, Mesek naTiras.
3 Ovanamati vaGomer ovo: Askenas, Rifat naTogarma.
4 Ovanamati vaJavan ovo: Elisha, Tarsis, Kittim naDodanim.
5 Ovo ovo va li ooxekulululwa yovanhu, ovo va li kounhunhu, ovo va li ve lihanena moitukulwa yavo pamalaka, pamapata nopaiwana yavo.
6 Ovanamati vaHam ovo: Kus, Misraim, Puti naKaanan.
7 Ovanamati vaKus ovo: Seba, Havila, Sabta, Raama naSabteka.
Ovanamati vaRaama ovo: Sheba naDedan.
8 Kus okwa ka dala Nimrod. Nimrod oye wotete a li omunaenghono kombada yedu. 9 Nimrod okwa ka ninga omukongo omunaenghono, oo a li omhinge naJehova, nomolwaashi ovanhu hava ti: “Ngadi okwa fa Nimrod, omukongo omunaenghono, oo a li omhinge naJehova.” 10 Nimrod okwa pangela tete moilando ei: Babel, Erek, Akkad naKalne, medu laSinar. 11 Eshi a dja muSinar, okwa ya kuAssiria, ndele ta tungu Ninive, Rehobot-ir, Kalag 12 naResen, osho sha li pokati kaNinive naKalag; oilando aishe oyo oya li oshilando shinene.*
13 Misraim okwa dala Ludim, Anamim, Lehabim, Naftu, 14 Patrosi, Kaslu (oo a dala Ovafilisti) naKaftori.
15 Kaanan okwa dala Sidon, oo a li oshiveli shaye, naHeti. 16 Okwa dala yo Ovajebusi, Ovaamori, Ovagirgas, 17 Ovahevi, Ovaarki, Ovasini, 18 Ovaarvadi, Ovasemari nOvahamat. Lwanima, epata lOvakaanan ole ke lihanena keshe pamwe. 19 Oshitukulwa shOvakaanan osha li sha tamunuka mo, okudja kuSidon fiyo okuGerar, osho sha li popepi naGasa, nosha ya fiyo okuSodom, Gomorra, Adma naSeboim, oyo ya li popepi naLasha. 20 Ovo ova li ovanamati vaHam pamapata, pamalaka, paitukulwa nopaiwana yavo.
21 Sem, ondenge yaJafet,* okwa ka dala ounona. Sem oye yo a li xekulu yovana vaEber. 22 Ovanamati vaSem ovo: Elami, Assur, Arpaksad, Lud naAram.
23 Ovanamati vaAram ovo: Us, Hul, Geter naMash.
24 Arpaksad okwa dala Shela, na Shela okwa dala Eber.
25 Eber okwa dalelwa ovanamati vavali. Edina laumwe ola li Peleg,* molwaashi ovanhu ova li va tukauka kombada yedu. Edina lamumwaina ola li Joktan.
26 Ovanamati vaJoktan ovo: Almodad, Selef, Hasarmavet, Jerag, 27 Hadoram, Usal, Dikla, 28 Obal, Abimael, Sheba, 29 Ofir, Havila naJobab; aveshe ova li ovanamati vaJoktan.
30 Oshitukulwa shavo osha li sha tamunuka mo, okudja kuMesa fiyo okuSefar, oshitukulwa shokeemhunda, osho sha li kOushilo.
31 Ovo ova li ovanamati vaShem pamapata, pamalaka, paitukulwa nopaiwana yavo.
32 Olo oludalo lovanamati vaNoa pamusholondodo womapata avo noiwana yavo. Oiwana aishe, oyo ye lihanena kombada yedu konima yEyelu, oya dja momapata oo.