Omapsalme

8 Omwene Jehova, Omwene wetu, edina loye ola tumbala shi fike peni kombada yedu alishe;

Owa tula nokuli ewapalo loye pombada yeulu.*

 2 Owa ulika eenghono doye okupitila momakanya ounona nouhanana

Omolwovatondi voye,

Opo u mweneke omutondi nomupataneki.

 3 Ngeenge handi tale eulu loye, oilonga yominwe doye,

Omwedi neenyofi, oyo wa longekida,

 4 Omunhu oo ehe kwete okufya omushike, eshi ho mu diladila,

Nomona womunhu, eshi ho mu file oshisho?

 5 Owe mu ninipika a kale e dulike kwaavo va fa Kalunga,*

Nowe mu dika oshikoroni shefimano nosho yo ewapalo.

 6 Owe mu pa a pangele oilonga yomake oye;

Owa tula ashishe koshi yeemhadi daye:

 7 Oikombo needi nosho yo eengobe adishe

Noinamwenyo yomoixwa,*

 8 Eedila dokeulu neeshi domefuta;

Nakeshe osho tashi linyenge mefuta.