Omapsalme

17 Omwene Jehova, uda eindilo lange, opo ndi yukifilwe oinima;

Yandja elitulemo, eshi handi ku lilile ekwafo;

Pwilikina keilikano lange lihe na koshi.

 2 Ninga etokolo la yuka ponhele yange;

Omesho oye naa mone osho sha yuka.

 3 Owa konakona omutima wange, owa nongonona nge oufiku;

Owa koshola nge;

Oto ka mona kutya inandi pangela omhangela yasha ii,

Nokanya kange inaka nyona sha.

 4 Shi na sha naasho hashi longwa kovanhu;

Metwokumwe nondjovo yomilungu doye, onda henuka eendjila domunyeki.

 5 Eenghatu dange nadi kale momalila oye,

Opo eemhadi dange diha ye omufenu.

 7 Ulika ohole yoye i na oudiinini monghedi ikumwifi,

Omuxupifi waavo tava kongo eameno keke loye lokolulyo,

Omolwaavo ve ku tukululila oshibofa.

 8 Amene nge ngaashi omuni yeisho loye;

Tuvikile nge momudidimbe womavava oye.

 9 Amene nge kovakolokoshi, ovo tava ponokele nge,

Kovatondi vange vongaho,* ovo va dingilila nge.

10 Kave na ouxwenge;*

Ohava popi nelinenepeko nomakanya avo;

11 Paife, ove tu kondeka;

Ohava kongo omhito ve tu etele oshiponga.*

12 Ova fa onghoshi ya hala okunyanyaula po oshihakanwa shayo moinhimbu,

Ngaashi onghoshi yonyasha ye livata po ya nangela.

13 Omwene Jehova, fikama, va shakeneka, ndele to va findi;

Xupife nge* komukolokoshi neongamukonda loye;

14 Omwene Jehova, xupife nge neke loye

Kovanhu vomounyuni ou,* ovo ve na efyuululo mokukalamwenyo oku,

Ovo ho pe oinima ihapu iwa, oyo ho yandje,

Naavo hava fiile ovana vavo vahapu efyuululo.

15 Ashike ame ohandi ka mona oshipala shoye, osheshi ondi li omuyuki;

Onda wanenwa, eshi handi penduka moipafi yoye.*