Longekida omutima woye, ofimbo ino hovela okukonakona

Ngeenge hatu konakona Ombiibeli, otwa hala oinima oyo hatu lihongo kombinga yaJehova i kume omitima detu. Esra okwa tula po oshihopaenenwa shiwa, eshi a li a “longekida omutima waye, opo a konakone Omhango yaJehova.” (Esra 7:10) Ongahelipi hatu dulu okulongekida omitima detu?

Ilikana. Ilikana ofimbo ino hovela okukonakona. Pula Jehova e ku kwafele u ude ko nou tule moilonga osho to lihongo. — Eps. 119:​18, 34.

Kala omulininipiki. Kalunga okwa holeka oshili, opo ovo ve lineekela meendunge davo vene vehe i mone. (Luk. 10:21) Inatu hala okukonakona, molwaashi ashike twa hala okuulikila vamwe kutya otu shii shihapu. Ngeenge otwe lihongo oinima oyo twa pumbwa okulundulula, otwa pumbwa elininipiko, opo tu ninge omalunduluko oo.

Kendabala okupwilikina keimbilo lOuhamba. Omusika ohai kumu omitima detu neenghono, nohai tu kwafele tu lilongekidile okulongela Jehova. Ngeenge otwa pwilikine keimbilo lOuhamba, ofimbo inatu hovela okukonakona, otashi dulika shi tu kwafele tu longekide omitima detu.