Popya paushitwe

Efinamhango: “Ondjovo oiwa ngahelipi pefimbo layo!” — Omayel. 15:23.

Osho Filippus a ninga

Omuudifi wonghundana iwa Filippus ta popi nomulumenhu Omuetiopia, oo ta lesha omushangwatonywa, ofimbo e li omutumba metemba.

OKAVIDIO: Filippus ta udifile elenga lokuEtiopia

1. Tala OKAVIDIO, ile lesha Oilonga 8:30, 31. Opo nee to nyamukula omapulo taa shikula:

Filippus okwa hovela ngahelipi eenghundafana?
Omolwashike oyo ya li onghedi i li paushitwe yokuhovela eenghundafana nosho yo okuhonga omulumenhu oo oshinima shipe?

Oshike hatu lihongo kuFilippus?

2. Ngeenge otwa hovele eenghundafana hatu popi monghedi i li paushitwe, otashi ka kwafela omunhu a kale e udite a manguluka nota ka tambula ko etumwalaka letu.

Hopaenena Filippus

3. Kala ho konenene. Omalinyengo aye okolutu nookoshipala otaa dulu okuholola shihapu. Mbela omunhu ota monika ngoo a hala okupopya naave? Oto dulu okuhovela eenghundafana deni nepulo lopaMbiibeli, kutya: “Mbela ou shii ngoo kutya . . . ?” Henuka okukundafana nomunhu oo ina hala okupopya naave.

4. Kala omulididimiki. Ino kala u udite kutya omu na okuhovela eenghundafana deni diva to longifa Ombiibeli. Teelela omhito tai wapalele, opo u dule okupopya kombinga yayo. Omafimbo amwe otashi dulika u teelele fiyo omoshikando tashi uya, opo mu kundafane nomunhu oo.

5. Kala ho tifuka. Otashi dulika eenghundafana di lunduluke ino shi teelela. Kala we lilongekida oku mu ulikila sha osho tashi dulu oku mu kwafela, nokuli nonande hasho kwa li we lilongekida.

TALA YO

Omuud. 3:1, 7; 1 Kor. 9:22; 2 Kor. 2:17; Kol. 4:6