OMAPULO OPAMBIBELI A NYAMUKULWA
Omolwashike ombili ya pumba mounyuni?
Epangelo olo tali dulu okulundulula oikala yovanhu olo ashike tali dulu okweeta ombili kombada yedu
Ombibeli oya popya omatomheno avali a fimana. Lotete, nonande ovanhu ova dula okuwanifa po oinima ya denga mbada, inava shitwa va yukife eenghatu davo vene. Oshitivali, eemhangela dovanhu oda ponya molwaashi ‘ounyuni aushe ou li mepangelo lomunawii,’ Satana Ondiaboli. Onghee hano, eenghendabala dovanhu inadi dula okweeta ombili mounyuni. — Lesha Jeremia 10:23; 1 Johannes 5:19.
Omalalakano ovanhu okulihola mwene nao okwa ningifa ounyuni u kale uhe na ombili. Epangelo olo tali dulu okuhonga ovanhu va kale ve hole ouyuki nova kale ve na ko nasha navakwao olo ashike tali ka eta ombili mounyuni. — Lesha Jesaja 32:17; 48:18, 22.
Olyelye ta ka eta ombili kombada yedu?
Kalunga omunaenghono adishe okwa udaneka kutya ota ka eta epangelo limwe olo tali ka pangela ovanhu aveshe. Otali ka pingena po omapangelo opanhu. (Daniel 2:44) Omona waKalunga, Jesus, ota ka pangela eli Ohamba yombili. Ota ka xulifa po owii aushe kombada yedu nota ka honga ovanhu nghee ve na okukala nombili. — Lesha Jesaja 9:5, 6; 11:4, 9.
Ovanhu omamiliyona mounyuni aushe kunena otava longifa Eendjovo daKalunga, Ombibeli, koshi yewiliko laJesus opo va honge vamwe nghee tava dulu okukala nombili navakwao. Mafiku, ounyuni aushe otau ka kala u na ombili. — Lesha Jesaja 2:3, 4; 54:13.