Osho Ombiibeli Tai ti

Kombada yedu oku na ngoo fiku ku ka kale ombili?

Oto ti ngahelipi?

• Heeno

• Ahowe

• Nghi na oushili

Osho Ombiibeli tai ti

Koshi yepangelo laJesus Kristus, ‘ombili otai ka kala i yadi mo, fiyo ohani ya fya ko.’ — Epsalme 72:7.

Oshike vali hatu lihongo mOmbiibeli?

• Ovakolokoshi otava ka hanaunwa ko kombada yedu, naasho otashi ka pa omhito ovanhu ovo hava longo ouwa va ‘hafele ombili inene’ — Epsalme 37:10, 11.

• Kalunga ota ka xulifa po oita filufilu. — Epsalme 46:8, 9.

Ovanhu otava dulu ngoo shili okukala nombili yopamadiladilo paife?

Ovanhu vamwe ova itavela kutya . . .  kape na oo ta dulu okukala nombili yopamadiladilo molwaashi mounyuni omu yadi okumona oixuna nokuhenouyuki. Oto ti ngahelipi?

Osho Ombiibeli tai ti

Nokuli nokunena, ovo ve na ekwatafano naKalunga otava dulu okukala ve na ‘ombili yaKalunga ei i dule eendunge adishe.’ — Ovafilippi 4:6, 7.

Oshike vali hatu lihongo mOmbiibeli?

• Kalunga okwa udaneka kutya ota ka xulifa po okumona oixuna nokuhenouyuki, ta ‘shitukifa aishe i ninge ipe.’ — Ehololo 21:4, 5.

• Ohatu dulu okumona ombili yokomutima ngeenge otwa kala hatu file oshisho omhumbwe yetu ‘yopamhepo.’ — Mateus 5:3.