“Ovananheni vo otava ka fyuulula edu”

Vahapu vomufye otwa mona ovanhu ovo ve hole ombili tava ningilwa okuhenouyuki noukolokoshi. Mbela okuhenouyuki nosho yo oukolokoshi ou na ngoo efiku u ka xulifwe po?

Epsalme 37 ola yandja enyamukulo noli na yo ewiliko olo tali tu kwafele kunena. Didilika nghee la nyamukula omapulo a fimana taa shikula.

• Otu na okulinyenga ngahelipi ngeenge hatu hepekwa? — Ovelishe 1, 2.

• Oshike tashi ka ningilwa ovahenakalunga? — Ovelishe 10.

• Ovo hava longo osho sha yuka otava ka kala ve na onakwiiwa ya tya ngahelipi? — Ovelishe 11, 29.

• Oshike tu na okuninga po paife? — Ovelishe 34.

Eendjovo dEpsalme 37 da nwefwa mo oda popya kombinga yonakwiiwa itunhula yaavo hava ‘teelele Omwene nohava lambalala ondjila yaye.’ Eendombwedi daJehova otadi ka kala da hafa oku ku kwafela u konakone Ombiibeli nou lihonge kombinga yanghee ove noukwaneumbo weni tamu dulu oku ka hafela onakwiiwa oyo itunhula.