Longifeni oileshomwa ikulu oyo i li meemhungulilo, ponhele yokukala mwe i mbeela
Momaongalo mahapu omu na oileshomwa ikulu oyo ya ndubalala meemhungulilo. Omolwashike ito pula u pewe oileshomwa imwe u kale ho i longifa meumbo? Oshoshili kutya otashi dulika ho dulu okutala oileshomwa imwe oyo ikulu ko-Watchtower Library. Ndele nande ongaho, oshi na yo ouwa okukala u na oileshomwa yo venevene. Mbela omukonakonimbibeli woye ota ningi exumokomesho? Ngeenge osho, mu ladipika a indile a pewe oileshomwa oyo ikulu opo a dule okukala e na oileshomwa yaye mwene. Ngeenge mOlupale lOuhamba leni omu na ongulumambo, omupashukili wOfikola yOukalele woPauteokratika oku na okushilipaleka kutya mongulumambo yeni omu na oshileshomwa keshe shomwaayo ikulu oyo i li meemhungulilo deongalo. Oileshomwa oyo natango oi na ongushu. Onghee hano, otashi ka kala shiwa okulongifa po oileshomwa ikulu oyo i li meemhungulilo deongalo, ponhele yokweefa ashike i kale mo.