Oihopaenenwa yomatwalemo

Eetepo li na sha nokuhovela omakonakonombibeli mOlomakaya lotete laAuguste

“Mbela ope na ngoo efiku limwe we lipulile kutya omolwashike Kalunga a efa oukolokoshi nokumona oixuna ku kale po? [Teelela omunhu a nyamukule.] Onda hala oku ku ulikila oshinima shonhumba shihokwifa shi na sha noshikundafanwa osho.” Yandja Oshungonangelo yaJuli-Septemba komuneumbo ndele tamu lesha nokukundafana naye ouyelele oo u li koshi yokapalanyole kotete oko ke li pepandja 16. Lesheni yo omushangwa umwe womwaado da etwa mo ndele inadi tofwa mo. Opo nee, ninga elongekido u mu alukile moshikando tashi landula opo mu kundafane naye epulo la landula ko.

Oshungonangelo Juli-Septemba

“Mbela oto diladila kutya ovakolokoshi otava ka mona oixuna momundilo woheli fiyo alushe? [Teelela omunhu a nyamukule.] Tala kutya Ombibeli otai ti ngahelipi shi na sha nonghalo yoonakufya. [Lesha Omuudifi 9:5, 10.] Molwaashi oonakufya inava shiiva nande osha itava dulu okukala tava mono oixuna momundilo woheli fiyo alushe. Ndele mbela omundilo woheli oo wa tumbulwa mOmbibeli otau ulike kushike? Ouyelele oo u li pepandja 15 loshifo eshi owa nyamukula epulo olo.”

Awake! Auguste

“Onda hala okuuda kutya oto ti ngahelipi shi na sha novelishe ei. [Lesha 1 Samuel 16:23.] Ovelishe oyo otai ulike kutya omusika otai dulu shili oku tu tulumukifa. Ndele mbela oto diladila kutya ope na eemusika dimwe odo tadi dulu okukala enwefemo lii kufye? [Teelela omunhu a nyamukule.] Oshifo eshi osha kundafana shi na sha nanghee hatu dulu okuhoolola eemusika pandunge nosho yo nghee hatu dulu okukwafela ovana vetu navo va ninge sha faafana.”