Omatomheno 12 molwaashi hatu udifa

Omolwashike hatu udifa onghundana iwa eumbo neumbo nokuninga omakonakonombibeli? Mbela omolwaashi ashike twa hala okukwafela ovanamitimadiwa va ende mondjila oyo tai twala komwenyo? (Mat. 7:14) Olo olo etomheno lotete momusholondodo oo u li pedu, ndele halo la fimanenena. Mbela oto diladila kutya olilipi lomomatomheno 12 okukufa ombinga moukalele la fimanenena?

1. Ohatu udifa opo tu xupife eemwenyo. — Joh. 17:3.

2. Ohatu udifa opo tu londwele ovahenakalunga. — Hes. 3:18, 19.

3. Ohatu udifa opo tu wanife po exunganeko lOmbibeli. — Mat. 24:14.

4. Oilonga yetu yokuudifa otai ulike kutya Kalunga omuyuki. Kape na oo ta ka tya kutya Jehova inapa ovahenakalunga omhito ve livele ombedi fimbo ine va hanauna po. — Oil. 17:30, 31; 1 Tim. 2:3, 4.

5. Ohatu udifa opo tu wanife po oshinakuwanifwa shetu shokukwafela ovanhu pamhepo, ovo va kulilwa nohonde yaJesus. — Rom. 1:14, 15.

6. Ohatu udifa opo tuha kale tu na etimba lohonde. — Oil. 20:26, 27.

7. Ohatu udifa opo tu ka xupifwe. — Hes. 3:19; Rom. 10:9, 10.

8. Ohatu udifa omolwohole yokuhola ovanhu vakwetu. — Mat. 22:39.

9. Ohatu udifa opo tu ulike kutya ohatu dulika kuJehova nOmona. — Mat. 28:19, 20.

10. Okuudifa oku li oshitukulwa shelongelokalunga letu. — Heb. 13:15.

11. Eshi hatu udifa ohatu ulike kutya otu hole Jehova. — 1 Joh. 5:3.

12. Okuudifa kwetu otaku yapulifa edina laJehova. — Jes. 43:10-12, yelekanifa no-NW; Mat. 6:9.

Oshoshili kutya oo hao aeke omatomheno molwaashi hatu kufa ombinga moukalele. Pashihopaenenwa, okuudifa ohaku pameke eitavelo letu nohaku tu pe omhito yokukala ovalongi pamwe naKalunga. (1 Kor. 3:9) Ndele etomheno eti-12 olo la fimanenena. Kashi na nee mbudi kutya ovanhu otave linyenge ngahelipi, oukalele wetu ohau yapulifa edina laJehova nohau mu pe omhito a nyamukule omulundili waye. (Omayel. 27:11) Onghee hano, otu na omatomheno mawa okutwikila ‘okuhonga nokuudifa’ onghundana iwa. — Oil. 5:42.