O-Web Site yetu yopambelewa oya nuninwa oku tu etela ouwa nosho yo vamwe
Jesus okwe tu lombwela tu udife onghundana iwa yOuhamba ‘mounyuni aushe i ningile oiwana aishe ondombwedi.’ (Mat. 24:14) Opo tu dule ‘okuwanifa po nawa oshilongayakulo shetu,’ ile tu tye, tu wanife po oukalele wetu filufilu, eenhele detu dokointaneta o-watchtower.org, jw-media.org no-jw.org paife oda ninga imwe, o-jw.org.— 2 Tim. 4:5.
“Ounyuni aushe”: Konyala omunhu umwe womovanhu vatatu mounyuni oha longifa ointaneta. Ointaneta oya ninga odjo yomauyelele kuvahapu, unene tuu kovanyasha. Onhele yetu yokointaneta ohai yandje omanyamukulo ashili komapulo opaMbibeli. Ohai yandje ouyelele u na sha nehangano laJehova nohai shi ningi shipu kuvo va pule omakonakonombibeli oshali peumbo. Oye shi ninga tashi shiiva opo onghundana iwa i hange ovanhu vomoitukulwa omo ihamu udifilwa naanaa etumwalaka lOuhamba.
“Oiwana aishe”: Opo tu yandje oundombwedi ‘koiwana aishe,’ otu na okuudifa oshili yOmbibeli momalaka e lili noku lili. Ovo hava i konhele yetu yo-jw.org otava dulu okumona ouyelele noupu momalaka 400 lwaapo, shi dulife keenhele dimwe dokointaneta.
Longifa nawa ointaneta: O-Web Site yetu yo-jw.org inai nuninwa ashike okuyandja oundombwedi kwaavo vehe fi ovaitaveli. Ndele oya nuninwa yo okulongifwa kEendombwedi daJehova. Ngeenge oho longifa ointaneta, ohatu ku ladipike u shiive nawa o-jw.org. Apa otapa shikula omaetepo amwe e na sha nanghee i na okulongifwa.
[Diagram on page 3]
(For fully formatted text, see publication)
Kendabala oku i longifa
1 Shanga www.pr2711.com moshikongifo shokointaneta kokompiuta yoye.
2 Konga ouyelele kointaneta mokufinda opo pa shangwa section headings, menu options nosho yo links.
3 Kendabala okulongifa o-jw.org to longifa ongodi yopeke ile okompiuta. Epandja ohali ningi linini opo li wane ko kongodi, ashike ouyelele owa faafana.