Ninga etwalemo loshifo shimwe, ashike aishe i fiya po
Oshifo shetu keshe oshi na oikundafanwa i lili noku lili ihokwifa. Ponhele yokukendabala okukundafana oitukulwa i lili noku lili peumbo keshe, oshiwa okukundafana ashike shimwe. Ngeenge otwa kala hatu konenene notu shii nawa oikundafanwa yoifo yetu, ohatu ka dula okuhoolola oshikundafanwa mOshungonangelo ile mo-Awake! osho tashi ka pendula ohokwe yomuneumbo. Pashihopaenenwa, ngeenge otwa mono oudanaukifo vounona meni ile momudingonoko weumbo, ohatu dulu okuhoolola oshikundafanwa osho tashi popi kombinga yonghalamwenyo youkwaneumbo. Ngeenge meumbo otwa hange mo omulumenhu, ohatu dulu okuhoolola oshikundafanwa osho ovalumenhu vahapu ve na ohokwe musho, ngaashi kombinga yepangelo liwa. Nonande otashi dulika tu kundafane ashike oshikundafanwa shimwe, otu na okufiila omuneumbo oo a ulika ohokwe oifo aishe ivali.