Va kwafela va kale va ‘pamenena meitavelo’

Ohashi kala shitunhula okumona nghee Jehova ha nangeke noupuna oilonga yokwoongela. Omudo keshe ovanhu ve dulife po 250 000 ohava ninginifwa. (Deut. 28:2) Ngeenge omuudifi okwa kwafele omukonakoni fiyo osheshi a ninginifwa, otashi dulika omuudifi a kwatwe keamo lokweefa po okukonakona naye noku ka kwafela vamwe. Omukonakonimbibeli naye otashi dulika a kale a hala okweefa po okukonakona opo a longife efimbo lihapu moukalele. Ashike, osha fimana kovakonakonimbibeli va kale ve na ekanghameno la kola moshili. Ova pumbwa ‘okutwama’ muKristus ‘nokupamenena meitavelo.’ (Kol. 2:6, 7; 2 Tim. 3:12) Onghee hano, shimha omukonakoni a ninginifwa, oku na okutwikila ekonakonombibeli fiyo osheshi a mana ko embo Ombibeli otai hongo nosho yo “Ohole yaKalunga.”—Tala okafo Oukalele Wetu wOuhamba, kaAprili 2011, epandja 2.