Tukulilafana oinima ‘iwa’ mokuyakula vamwe (Mat. 12:35a)

Nopehe na omalimbililo, atusheni otwa hala okutukulilafana oinima ‘iwa’ navamwe ‘mokuyakula ovaenda.’ (Heb. 13:2) Ovakulunhuongalo ove na okukwatela komesho omalongekido e na sha nokuyakula ovapopi ovaenda nokufuta oshimaliwa sholweendo lavo. Kakele kaasho, nafye pauhandimwe otashi dulika tu ongaonge okuyakula ovaenda molwaashi tu na oiniwe inini ile twa tila okuyakula vamwe momaumbo etu. Ngeenge otwa diladila twa mana mo komayele aJesus oo a li a pa Marta otashi ke tu kwafela tu finde omaliudo a tya ngaho. (Luk. 10:39-42) Jesus okwa li a divilika kutya “ombinga iwa” yokuyakula ovaenda okukala hatu endafana nokutwaafana omukumo nOvakriste vakwetu, ndele hakulya oikulya ya telekekeka ile okukala meumbo loudjeko. Ngeenge otwa tula moilonga omayele oo, atusheni ohatu ka dula okutukulilafana oinima ‘iwa’ nOvakriste vakwetu, osho shi li metwokumwe nEendjovo daKalunga. — 3 Joh. 5-8.