Ouladi ohau tu linyengifa tu twaafane omukumo moilonga iwa

Ovaheberi 10:24 otave tu ladipike “tu [twaafane] omukumo mohole nomoilonga iwa.” Ohatu dulu okutwa omukumo ovamwatate okupitila moihopaenenwa yetu nomokuulika eitavelo. Lombwela vamwe meongalo kombinga yoimoniwa yoye iwa. Nava kale ve wete ehafo olo u na eshi to longele Jehova. Pomhito oyo tuu oyo, henuka okuliyelekanifa navamwe ile okuyelekanifa vamwe inashi pumbiwa. (Gal. 6:4) Longifa eenghono doye opo u twe vamwe omukumo ‘mohole nomoilonga iwa,’ ndele inova ningifa va kale ve udite ondjo noilonga iwa. (Tala embo Ofikola yOukalele, ep. 158, okat. 4.) Ngeenge otwa twaafana omukumo mohole, oilonga iwa otai ka shikula ko ngaashi okuyambidida vamwe painiwe ile okuudifa. — 2 Kor. 1:24.