Efa eenghono dEendjovo daKalunga di longe moukalele woye

Ngeenge omunhu moukalele okwe tu pe omhito tu mu udifile onghundana iwa, ohatu longifa nawa omhito oyo nohatu efa eenghono dEendjovo daKalunga di longe eshi hatu mu leshele omishangwa odikilila okudja mOmbibeli. Osho osha li sha divilikwa poshoongalele shefiku le likalekelwa omudo wa dja ko. Omupashukilishikandjo okwa li a yandja oshipopiwa shi na oshipalanyole “Efa eenghono dEendjovo daKalunga di longe moukalele woye.” Mbela oto dimbuluka oitwa ya fimanenena yoshipopiwa osho?

• Omolwashike Eendjovo daJehova di na eenghono di dule eendjovo detu? — 2 Tim. 3:16, 17.

• Ongahelipi Ombibeli hai kumu omaliudo, hai vyula omadiladilo, hai lundulula omalinyengotomheno nokuwilika elihumbato lomunhu? — Tala Oshungonangelo 15 Juni 2012, ep. 27, okat. 7.

• Ngeenge hatu leshele omunhu omushangwa moukalele, ongahelipi hatu dulu okuyukifa elitulemo kEendjovo daKalunga opo omunhu a kale edi fimaneka? — Tala embo Ofikola yOukalele, ep. 148, okat. 3-4 nosho yo okafo Oukalele Wetu wOuhamba, kaMarsa 2013, ep. 6, okat. 8.

• Omolwashike sha fimana okuyelifa nokutomhafana okudja momishangwa odo twa lesha, nongahelipi hatu dulu oku shi ninga? — Oil. 17:2, 3; tala embo Ofikola yOukalele, ep. 154, okat. 4 fiyo ep. 156, okat. 4.