Kala ho longifa ouvidio eshi to hongo ovakonakonimbiibeli voye

Omafano ohaa kwafele omunhu a yandje elitulemo, a ude ko noku dimbuluke osho e lihonga. Omuhongi wetu Munenenene, Jehova, okwa li ha longifa omafano opo a honge ovanhu oilihongomwa ya fimana. (Gen 15:5; Jer 18:1-6) Omuhongi wetu Munene, Jesus, naye okwa li ha longifa omafaneko. (Mat 18:2-6; 22:19-21) Ouvidio ove li onghedi imwe yokulongifa omafano oyo twa kala hatu longifa oule womido opo da di ko notai pondola. Oho ulikile ngoo ovakonakonimbiibeli voye ouvidio?

Opa longekidwa ouvidio omulongo ovo va kanghamena koileshwa yokambo Onghundana iwa ya dja kuKalunga! Oshipalanyole shokavidio keshe otashi tu kumwe naashimwe shomoipalanyole oyo ya laulikwa tai hangwa mokambo. Ngeenge oto longifa oshikwaelektronika, mokambo otamu ka kala mu na ee-link odo tadi ku ulikile apa u na okudana okavidio keshe. Shikwao vali, ouvidio vamwe ove na sha noitukulwa yoishangomwa ya yoolokafana oyo hatu longifa ngeenge hatu konakona Ombiibeli novanhu.

Mbela otamu kundafana oshikundafanwa osho tashi monika shidjuu okuudiwa ko komukonakonimbiibeli woye? Ile omukonakoni woye okwa taalela eshongo lonhumba? Tala ouvidio ovo tava hangwa ko-jw.org® nosho yo ko-JW Broadcasting® ngeenge oto mono ko kamwe oko taka dulu oku mu kwafela. Oto dulu okutala pamwe nomukonakoni woye okavidio, ndele tamu ka kundafana.

Omwedi keshe ohapa piti ouvidio vape. Eshi to va tale, diladila kutya openi to ke va longifa eshi to hongo vamwe.