Mbela oto dulu okuyamba po efimbo neenghono doye?

Ngaashi sha xunganekwa kuJesaja, otu wete nghee oshitukulwa shehangano laJehova shokombada yedu tashi kulu neendelelo shi dulife nale. (Jes 54:2) Osho otashi ulike kutya opa pumbwa okutungwa Omalupale Ouhamba, Omalupale Oyoongalele nosho yo omatungo oitaimbelewa. Konima eshi a tungwa, omatungo a tya ngaho okwa pumbwa okukalekwa monghalo iwa, naamwe otashi dulika nokuli taa ka pumbwa okuwapekululwa. Osho oshe tu yeululila eemhito dilipi tu longife efimbo neenghono detu moilonga yaJehova?

• Ohatu dulu okuyambidida ngeenge ongudu yetu yoilonga yomomapya oyo tai wapaleke Olupale lOuhamba

• Ohatu dulu okuliyamba tu deulwe nghee hatu dulu okukaleka monghalo iwa Olupale letu lOuhamba

• Ohatu dulu okuyadeka ofooloma yedina Local Design/Construction Volunteer Application (DC-50) opo tu yambidide mokutunga nokukaleka monghalo iwa Omalupale oo e li moshitukulwa shetu

• Ohatu dulu okuyadeka ofooloma yedina Application for Volunteer Program (A-19) opo tu liyambe tu yambidide oule woshivike ile shi dulife po koBetel oyo i li koshi yoshitaimbelewa shetu ile koitaimbelewa imwe vali

TALENI OKAVIDIO OPROJEKA IPE YOKUTUNGA YA UNGANEKWA — OKATUKULWA KAXUPI, NDELE TAMU KUNDAFANA OMAPULO TAA SHIKULA:

• Yelifa nghee okulongifwa kwouvidio kwa hapupala okudja mo 2014?

• Opo ku ndulukwe ouvidio ovo twa pumbwa okulongifa eshi hatu longele Kalunga, oprojeka ilipi ya unganekwa, notai kwata efimbo li fike peni?

• Ongahelipi ovaliyambi tava dulu okuyambidida moprojeka oyo?

• Ngeenge otwa hala okukwafela mokutunga koRamapo, omolwashike tu na okuyadeka ofooloma (DC-50) nokuyambidida Oshikondo shOkuduta nOkutunga shomoshitukulwa shetu?

• Oumbangi ulipi tau ulike kutya Jehova ota wilike moprojeka oyo?

• Ongahelipi hatu dulu okuyambidida oprojeka oyo nokuli nonande itatu dulu okukwafela mokutunga?