Ohatu ulike ohole mokuyambidida outekuduliko waJehova

Okukonda umwe ohashi amene eongalo, nohashi yandje outekuduliko komunyoni oo ine livela ombedi. (1Ko 5:6, 11) Ohatu ulike ohole ngeenge hatu yambidida outekuduliko oo wa dja kuJehova. Ongahelipi osho tashi dulu okuningwa ngeenge ekondo ohali yahameke pamaliudo aveshe ovo va kwatelwa mo, ngaashi ovapambele vopopepi nosho yo okomitiye yopamhangu?

Komesho yaaishe, ohatu ulike kutya otu hole edina laJehova nosho yo omifikamhango daye douyuki. (1Pe 1:14-16) Ohatu ulike yo kutya otu hole omunhu oo a li a kondwa. Nonande outekuduliko wa kwata moiti ohau kala u yahameka, ohau kwafele ovanhu va ‘kale ovayuki novanambili.’ (Heb 12:5, 6, 11) Ngeenge ohatu endafana nomunhu oo a kondwa ile e litukula ko ye mwene keongalo, ohatu ulike kutya itatu tu kumwe noutekuduliko waJehova. Dimbuluka kutya Jehova oha yandje outekuduliko koshiwana shaye ‘pandjele.’ (Jer 30:11) Ngeenge otwa kala hatu yambidida outekuduliko waJehova nokukala tu na ekwatafano liwa naye, ohatu ka pa omhito omunhu oo a nyona a alukile kuTate yetu omunanghenda. — Jes 1:16-18; 55:7.

TALENI OKAVIDIO OKUKALA OMUDIININI NOMUTIMA AUSHE, NDELE TAMU KUNDAFANA OMAPULO TAA SHIKULA:

• 

  Ovadali Ovakriste ohava kala ve udite ouyahame ulipi ngeenge omona a fiya po Jehova?

• 

  Ongahelipi eongalo tali dulu okuyambidida ovapambele ovo ovadiinini?

• 

  Ehokololo lopaMbiibeli lilipi tali tu kwafele tu mone kutya osha fimana okukala ovadiinini kuJehova shi dulife okukala ovadiinini kovapambele?

• 

  Ongahelipi hatu dulu okuulika kutya otu li ovadiinini kuJehova shi dulife ovapambele?