Amena ohombo yoye

Jehova okwa tala ko eano lohombo li li oshinima sha kwata moiti. Okwa ti kutya omushamane nomukulukadi ove na okukala pamwe fiyo alushe. (Mat 19:5, 6) Mokati koshiwana shaJehova omu na ovalihomboli vahapu va hafa. Ashike kape na ohombo ya wanenena. Ohamu holoka omaupyakadi. Inatu kala tu na etaleko olo li li apeshe kutya ovalihomboli otava dulu okutopoka ile okuteya ohombo ngeenge ova shakeneke omaupyakadi. Ovalihomboli Ovakriste otava dulu okwaamena ngahelipi ohombo yavo?

Natu ka taleni keenghedi nhano da fimana.

1. Amena omutima woye mokuhenuka okudana nomaliudo avamwe nosho yo omalihafifo inaa koshoka oo haa nghundipaleke ohombo. — Mat 5:28; 2Pe 2:14.

2. Pamekeni oukaume weni naKalunga, nokukala mwa halelela oku mu hafifa mohombo yeni. — Eps 97:10.

3. Twikileni okudjala omunhu mupe; okukala tamu liningile oinima iwa inini otaku dulu okuhafifa kaume koye kopahombo. — Kol 3:8-10, 12-14.

4. Kaleni mwa fimanekafana nokuninga eenghundafana tadi ti sha. — Kol 4:6.

5. Kaleni hamu liwanifile po eemhumbwe dopamilele pahole. — 1Ko 7:3, 4; 10:24.

Ngeenge Ovakriste tava fimaneke ohombo, kungaho otava fimaneke Omutoti wohombo, Jehova.

TALENI OKAVIDIO NATU ‘LOTOKENI NOUDIININI’ — DULIKA KEEMHANGO ODO DA TULWA PO MEFIYAFANO, NDELE TAMU KUNDAFANA OMAPULO TAA SHIKULA:

• 

  Nonande ohombo otai dulu okupondola pehovelo, omashongo elipi tashi dulika a holoke po?

• 

  Ongahelipi omafinamhango Ombiibeli taa dulu okukwafela ovo ve wete mohombo yavo kamu na ohole?

• 

  Eemhango dilipi Jehova a tula po di na sha nohombo?

• Opo ohombo i pondole, ookaume kopahombo aveshe ova pumbwa okuninga shike?