LONGA NOUDIININI MOILONGA YOKUUDIFA | HAPUPALIFA EHAFO LOYE MOUKALELE
Longifa oilongifo yokuninga omapekapeko
Jehova okwe tu pa oilongifo opo tu dule okuhonga noukeka, ngaashi ouvidio, oufo, oifo, oumbo, omambo nosho yo oshilongifo sha fimanenena, Ombiibeli. (2Tm 3:16) Okwe tu pa yo oilongifo yokuninga omapekapeko oyo tai dulu oku tu kwafela tu dule okuyelifa Omishangwa. Oilongifo oyo oya kwatela mo o-Watchtower Library, o-JW Library®, ONGULUMAMBO YOKOINTANETA nosho yo Elongifwambo lokukonga omauyelele moishangomwa yEendombwedi daJehova.
Oto ka mona ehafo ngeenge owa longifa oilongifo aishe oyo u na u konge omamona opamhepo mOmbiibeli. Deula yo ovakonakoni voye va shiive okulongifa oilongifo oyo. Opo nee navo otava ka mona ehafo ngeenge ova mono omanyamukulo omapulo oo ve na e na sha nOmbiibeli.
TALENI OKAVIDIO MONA EHAFO MOSHILONGA SHOKUNINGA OVANHU OVAHONGWA — TAMBULA KO EKWAFO LAJEHOVA — OKUPITILA MOILONGIFO YOKUNINGA OMAPEKAPEKO, NDELE TAMU KUNDAFANA OMAPULO TAA SHIKULA:
Jade okwa li e li omhinge nashike shi na sha neshito?
Neeta okwa li a hanga peni ouyelele u na sha noshikundafanwa osho?
Okumona omamona opamhepo noku a tukulilafana navamwe ohashi tu etele ehafo
Okwa hoolola ngahelipi ouyelele oo tau wapalele Jade?
Okulongifa oilongifo yetu yokuninga omapekapeko okwa kwafela ngahelipi Neeta?