Nghee eilikano tali dulu oku ku kwafela
Pamela okwa li ta ehama okankela, nokwa li a ka pangwa keendokotola. Ashike nande ongaho, okwa li a ilikana kuKalunga opo e mu kwafele a dule okulididimikila ouyehame waye. Mbela okwiilikana okwa li ngoo kwe mu kwafela?
Pamela okwa ti: “Eshi nda li handi i kepango lokankela, onda li handi kala nda tila neenghono. Ngeenge nda ilikana kuJehova Kalunga, onda li handi kala ndi udite ombili nonda li handi dulu okulididimikila onghalo yange. Fiyo opaife ohandi kala handi ehama neenghono, ndele eilikano ohali kwafele nge ndi kale ndi na etaleko liwa. Ovanhu ngeenge tava pula nge kutya ondi li po ngahelipi, ohandi ti, ‘Ohandi ehama natango, ashike onda hafa!’”
Oushili oyoo kutya, katu na okuteelela tu hangwe kouyahame wa kwata moiti ile komaupyakadi opo tu kale hatu ilikana. Atusheni ohatu kala twa taalela omashongo, kutya nee omanene ile omanini, naluhapu ohatu kala twa pumbwa ekwafo opo tu dule okuungaunga nao. Ongahelipi eilikano tali dulu oku tu kwafela?
Ombiibeli oya ti: “Omutengi woye u undulila kOmwene, Ye ote ku kalele noshisho. Oye ita efa nande omuyuki a kale alushe nokutengauka.” (Epsalme 55:22) Mbela eendjovo odo itadi hekeleke tuu! Mbela ongahelipi okwiilikana taku dulu oku ku kwafela? Ngeenge to ilikana pahalo laKalunga, ote ke ku pa ekwafo olo wa pumbwa opo u dule okuungaunga nomashongo oye. — Tala oshimhungu “Nghee eilikano tali dulu oku ku kwafela.”