Kalunga okwa udaneka oukolele wopamadiladilo
Kalunga okwa yandja omayele nosho yo ehekeleko, okupitila mOmbiibeli, olo tali dulu okukwafela ovo ve na oudu wopamadiladilo.
Ndele Kalunga okwa ninga nokuli shihapu. Okwa udaneka okuxulifa po keshe osho hashi etifa oudu wopamadiladilo.
Eshi Kalunga ta ka wanifa po eudaneko olo, omaliudo a yahameka, oudu wopamadiladilo nosho yo okudimbuluka oinima ii oyo twa ningilwa monakudiwa “itai dimbulukiwa vali, nongaashi kape na ou te i diladila momutima waye.” — Jesaja 65:17.
Eendombwedi daJehova otadi ka kala da hafa oku ku kwafela u mone kutya onaini nongahelipi Kalunga ta ka wanifa po eudaneko olo tali hekeleke.