Okulididimikila okuhenouyuki

Lesha Genesis 37:​23-28; 39:​17-23 u lihonge koshimoniwa shaJosef shi na sha nanghee a li e lididimikila okuhenouyuki.

Konakona oshikundafanwa. Oshike sha li sha ningifa Josef a ungaungiwe naye nai? (Gen. 37:​3-11; 39:​1, 6-10) Josef okwa li e na okulididimikila okuhenouyuki efimbo li fike peni? (Gen. 37:2; 41:46) Eshi Josef a li ta ungaungiwa naye nai, Jehova okwa li a ninga po shike, noshike a li ina ninga? — Gen. 39:​2, 21; w23.01 17 ¶13.

Ninga omapekapeko. Nonande osho omukulukadi waPotifar a popya kombinga yaJosef kasha li shoshili, Ombiibeli inai popya kutya Josef okwa li te lipopile, eshi ta lundilwa. Ongahelipi tashi dulika omishangwa tadi shikula tadi tu kwafele tu tomhafane kutya omolwashike Josef tashi dulika a li a hoolola okuhanyamukula, ile kutya omolwashike tuhe na okuteelela ouyelele aushe u hololwe? (Omayel. 20:2; Joh. 21:25; Oil. 21:37) Omaukwatya elipi tashi dulika a kwafela Josef e lididimikile okuhenouyuki? — Mika 7:7; Luk. 14:11; Jak. 1:​2, 3.

Diladila kombinga yoinima oyo we lihonga. Lipula kutya:

• ‘Onda teelela okuungaungiwa naame ngahelipi shihe li pauyuki, ndi li omuhongwa waJesus?’ (Luk. 21:​12, 16, 17; Heb. 10:​33, 34)

• ‘Oshike handi dulu okuninga paife, osho tashi dulu okukwafela nge ndi lididimikile okuhenouyuki?’ (Eps. 62:​7, 8; 105:​17-19; w19.07 2-7)