15, 16. (a) Eshi Hanna a li a mbubulila Jehova omutima waye noku ke mu longela ketwalihangano osha li she mu kuma ngahelipi? (b) Ongahelipi hatu dulu okushikula oshihopaenenwa shaHanna ngeenge hatu kondjifa omadiladilo mai?

¹⁵ Eshi Hanna a li a mbubulila Jehova omutima waye noku ke mu longela ketwalihangano osha li she mu kuma ngahelipi? Ombibeli oya ti: “Omwalikadi okwa dja po opo, ta li ndele ina kala vali e na oluhodi.” (1 Sam. 1:18) O-The Jerusalem Bible oya toloka ovelishe oyo ya ti: “Oshipala shaye inashi nyika vali oluhodi.” Hanna okwa li e udite a pepelelwa. Okwa li a undulila omutengi oo wa li wa wilila po omadiladilo aye kwaao e na eenghono di dule daye, Xe womeulu. (Lesha Epsalme 55:23.) Mbela oha nyengwa oku kandula po omaupyakadi amwe? Hasho nandenande, Jehova ota dulu oku tu kwafela momaupyakadi etu aeshe.

¹⁶ Ngeenge tu udite oudjuu, twa wililwa po ile twa nyika oluhodi, otwa pumbwa okushikula oshihopaenenwa shaHanna nokupopya twa manguluka Naao a popiwa mOmbibeli e li “Omuudi womailikano.” (Eps. 65:3) Ngeenge otwa ningi ngaho tu na eitavelo, ohatu ka mona kutya oluhodi letu ola pingenwa po “nombili yaKalunga ei i dule eendunge adishe.” — Fil. 4:6, 7.

¹⁸ Ndele onaini Peninna a li a mona kutya eenghendabala daye dokuhandukifa Hanna itadi ti sha vali? Ombibeli inai popya kutya onaini, ashike outumbulilo ‘ina kala vali e noluhodi’ otau ulike kutya Hanna okwa li a hafa okudja tuu kefiku olo noina kala vali a nyika oluhodi. Nonande katu shii naanaa kutya onaini Peninna eshi didilika mo kutya omasheko aye kae na vali eshi taa ti kuHanna, otashi dulika a li eshi didilika mo diva, nokudja opo edina laye inali tumbulwa mo vali mOmbibeli.