• Oto dulu okuninga kaume kaJehova
    Nghee to dulu okuhafela onghalamwenyo fiyo alushe! — Eenghundafana dopaMbiibeli

    • 5. Osho Jehova a teelela ookaume kaye va ninge

      Luhapu ohatu kala twa teelela ookaume ketu ve tu ningile sha.

      • Mbela oinima ilipi ho kala wa hala ookaume koye ve ku ningile?

      Lesha 1 Johannes 5:3, ndele tamu kundafana epulo tali shikula:

      • Jehova okwa teelela ookaume kaye va ninge shike?

      Opo tu dule okupanga oukaume naJehova, otwa pumbwa okulundulula omaukwatya nosho yo elihumbato letu. Lesha Jesaja 48:17, 18, ndele tamu kundafana epulo tali shikula:

      • Omolwashike Jehova a hala ookaume kaye va ninge omalunduluko?

      Omunailonga umwe ta pe mukwao embale lokuliamena.

      Kaume muwa oyoo ha dulu oku tu dimbulukifa kombinga yoinima oyo tai dulu oku tu etela oshiponga, ile ouwa. Jehova naye osho ha ungaunga nookaume kaye ngaho

  • Ongahelipi hatu dulu okuulika kutya otu hole Jehova?
    Nghee to dulu okuhafela onghalamwenyo fiyo alushe! — Eenghundafana dopaMbiibeli
    • Oshileshwa 34. Omulumenhu e li moshilando a tala pombada ta dilonga.

      OSHILESHWA 34

      Ongahelipi hatu dulu okuulika kutya otu hole Jehova?

      Mbela ou udite wa ehena popepi naKalunga okudja eshi wa hovela okukonakona Ombiibeli? Mbela ino hala okutwikila okupameka oukaume woye naye? Ngeenge osho, dimbuluka kutya ngeenge Jehova okwa mono kutya ou mu hole, naye ota ka kala e ku hole note ke kufila oshisho. Ongahelipi to dulu okuulika kutya ou mu hole?

      1. Ongahelipi hatu dulu okuulikila Jehova kutya otu mu hole?

      Ohatu ulike kutya otu hole Jehova mokudulika kuye. (Lesha 1 Johannes 5:3.) Iha fininike nande oumwe womufye a dulike kuye. Ndele ponhele yaasho, okwa pa keshe umwe omhito, opo a hoolole kutya ota dulika kuye, ile hasho. Omolwashike mbela? Jehova okwa hala tu ‘dulike kuye nomutima aushe.’ (Ovaroma 6:17) Noitya imwe, okwa hala u dulike kuye, hamolwaashi ashike osho ou na okuninga, ndele omolwaashi ou mu hole. Oshitukulwa 3 noshi-4 shembo eli osha nuninwa oku ku kwafela u ulike kutya ou hole Jehova mokulonga osho tashi mu hafifa nokuhenuka osho itashi mu hafifa.

      2. Omolwashike hashi kala shidjuu okuulika kutya otu hole Jehova?

      Ombiibeli oya ti: “Omaudjuu omuyuki oku li mahapu.” (Epsalme 34:19) Atushe ohatu kondjo nokuhawanenena kwetu. Otashi dulika hatu shakeneke omaupyakadi e na sha nouxupilo, okuhenouyuki nosho yo omashongo amwe vali. Ngeenge tu li momaudjuu, otashi dulika tu mone shidjuu okulonga osho Jehova ta pula tu longe. Osho osho shi li ngaho, molwaashi otashi dulika shiha kale shipu okudulika kuJehova. Ndele ngeenge owa longo noudiinini osho Jehova te ku pula u ninge, oto ka ulika kutya ou mu hole komesho yoinima aishe. Oto ka ulika kutya ou li omudiinini kuye. Naye ota ka kala omudiinini kwoove. Ite ku efa nandenande.— Lesha Epsalme 4:3.

      KONAKONA MOULE

      Lihonga kutya omolwashike hashi hafifa Jehova, ngeenge to dulika kuye nosho yo kutya oshike tashi dulu oku ku kwafela, opo u kale omudiinini kuye.

      3. Omhata oyo naave wa kwatelwa mo

      Membo laJob, Satana okwa popya oipupulu kombinga yaJob nosho yo ovanhu aveshe ovo va hala okulongela Jehova. Lesha Job 1:1, 6–2:10, ndele tamu kundafana omapulo taa shikula:

      • Satana okwa ti kutya Job oha dulika kuJehova omolwetomheno lilipi?— Tala Job 1:9-11.

      • Satana okwa popya shike shi na sha novanhu aveshe, naave wa kwatelwa mo?— Tala Job 2:4.

      Lesha Job 27:5b, ndele tamu kundafana epulo tali shikula:

      • Job okwa li a ulika ngahelipi kutya oku hole lela Jehova?

      Satana ta shongo Jehova. Ta yeleke oudiinini waJob, oo e na oidinda, nosho yo omumwameme oo ta longele Jehova kunena.

      Job okwa li a ulika kutya oku hole Jehova mokukala omudiinini kuye

      Nafye ohatu ulike kutya otu hole Jehova mokukala ovadiinini kuye

      4. Hafifa omutima waJehova

      Lesha Omayeletumbulo 27:11, ndele tamu kundafana omapulo taa shikula:

      • Jehova oha kala e udite ngahelipi, ngeenge to katuka pandunge nokudulika kuye? Omolwashike?

      5. Oto dulu okukala omudiinini kuJehova

      Ngeenge otu hole Jehova, otashi ke tu linyengifa tu lombwela vamwe kombinga yaye. Oudiinini wetu kuye ohau tu linyengifa tu ninge ngaho, nonande ihashi kala shipu. Dana OKAVIDIO, ndele tamu kundafana omapulo taa shikula.

      OKAVIDIO: Popila eitavelo loye nonande ope na omapataneko (5:09)

      • Mbela oho mono shidjuu okulombwela vamwe kombinga yaJehova?

      • Ngaashi sha ulikwa mokavidio, oshike sha kwafela Grayson a finde oumbada?

      Ngeenge otu hole osho Jehova e hole notu tonde osho e tonde, otashi ke tu kwafela tu kale ovadiinini kuye. Lesha Epsalme 97:10, ndele tamu kundafana omapulo taa shikula:

      • She likolelela kwaasho we lihonga, oinima imwe ilipi Jehova e hole? Oinima imwe ilipi e tonde?

      • Ongahelipi to dulu okulihonga okulonga osho shiwa nokukala u tonde osho shii?

      6. Ohatu mono ouwa ngeenge hatu dulika kuJehova

      Okudulika kuJehova osho oshinima sha denga mbada. Lesha Jesaja 48:17, 18, ndele tamu kundafana omapulo taa shikula:

      • Mbela oto diladila kutya ohatu dulu okulineekela kutya Jehova oku shii alushe osho sha denga mbada kufye? Ngeenge osho, omolwashike?

      • Ouwa ulipi wa mona fiyo opapa, eshi to konakona Ombiibeli nosho yo eshi we lihonga kombinga yaKalunga kashili, Jehova?

      VAMWE OHAVA TI: “Eenghatu dange kadi na naanaa oshilonga kuKalunga.”

      • Omushangwa ulipi to dulu okulongifa u ulike kutya eenghatu detu otadi dulu okukuma Jehova?

      ENGONGO

      Oto dulu okuulika kutya ou hole Jehova mokudulika kuye nokukala omudiinini, nonande ope na omashongo.

      Eendululo

      • Oshike we lihonga moshihopaenenwa shaJob?

      • Oto ka ulika ngahelipi kutya ou hole Jehova?

      • Oshike tashi ke ku kwafela u kale omudiinini kuJehova?

      Omalalakano

      TALA OUYELELE WA WEDWA PO

      Tala nghee to dulu okukala omudiinini kuJehova nokeongalo.

      “Oto kala omudiinini kwaao omudiinini kwoove” (16:49)

      Lihonga shihapu shi na sha nanghee Satana a popya oipupulu kombinga yovanhu.

      ““Job okwa li a kanyatela oudiinini waye kuKalunga” (Ombibeli oi na etumwalaka lilipi? oshileshwa 6)

      Tala nghee nokuli nounona hava ulike kutya ove hole Jehova.

      Hafifa Jehova (8:16)

      Ongahelipi omunyasha oo ha taalele omafininiko okudja kovanyasha vakwao ta dulu okukala omudiinini kuKalunga?

      Kondjifa omafininiko oomakula! (3:59)