-
‘Indeni, ka ningeni ovanhu ovalongwa’“Ila, u shikule nge”
-
-
12 Jesus okwa li yo a honga ovahongwa vaye va henuke oinima oyo tai dulu oku va manena po efimbo inashi pumbiwa. Okwa ti: “Inamu kunda nande omunhu mondjila.” (Lukas 10:4) Mbela okwa li te va lombwele va kale vehe na ko nasha novanhu? Hasho nandenande. Pefimbo lOmbibeli, okulikunda okwa li kwa kwatela mo shihapu shihe fi ashike okutya “wa lele po.” Okwa li kwa kwatela mo omilandu dokulipopifa di lili noku lili nokuninga eenghundafana diledile. Omuhongwanhu umwe wOmbibeli okwa ti: “Ovanhu vokoilongo yokoushilo ihave likundu ngaashi fye hatu likundu omunhu ta tifuka, ile okuliminika, vo ohave lipapatele lwoikando, nokukala tava fidimana luhapu nokulinyongamena nokuli pedu. Okuninga oinima aishe oyo ohashi pula efimbo lihapu.” Hano, eshi Jesus a li a lombwela ovahongwa vaye vaha kufe ombinga monghedindjikilile oyo yokulipopifa, okwa li lelalela ta ti: “Longifeni nawa efimbo leni molwaashi etumwalaka leni ola endelela.”b
-
-
‘Indeni, ka ningeni ovanhu ovalongwa’“Ila, u shikule nge”
-
-
b Omuprofeti Elisa naye okwa li a yandja elombwelo la faafana eshi a li a tuma omupiya waye Gehasi a ye keumbo lomukainhu umwe oo a li a filwa omonamati waye. Okwa ti: “Ngenge to shakeneke umwe, ino mu kunda.” (2 Eehamba 4:29) Molwaashi oshilonga osho a li ta ka longa osha li sha endelela, ka li e na okuhepifa efimbo mokweefa a katekwe koinima ihe na oshilonga.
-