• Natu yambidideni ovamwameme meongalo letu
    Oshungonangelo (Oshifo shokukonakonwa) — 2020 | Septemba
    • Jesus ta hongo e li omutumba. Marta naMaria ve li omutumba peemhadi daye tava pwilikine. Efano: 1. Ovalihomboli tava talele po omumwameme omunamido, oo ta ehama, keumbo laye. Omushamane ta popi naye, ofimbo omukulukadi waye ta pakulula omilongelo odo ve mu etela. 2. Ovalihomboli tava hafele elongelokalunga pamwe nomumwameme nosho yo nokamonakadona kaye. 3. Omumwatate ta kwafele ovamwameme vavali va lundulule elola lohauto yavo.

      Ngaashi Jesus, ohatu dulu okuulika kutya otu na ko nasha novamwameme ovadiinini (Tala okatendo 6-9)e

      6. Ngaashi sha popiwa muLukas 10:38-42, ongahelipi Jesus a kwafela Marta naMaria?

      6 Jesus okwa li ha kongo efimbo opo a kale novakainhu, nokwa li kaume kavo kashili. Diladila koukaume wopofingo oo a li a panga naMaria nosho yo Marta, ovakainhu ovo va li inava hombolwa. (Lesha Lukas 10:38-42.) Jesus okwa li e va ningifa va kale va manguluka okupitila meendjovo nomeenghatu daye. Maria okwa li a manguluka okukala peemhadi daJesus e li omuhongwa.c Marta naye okwa li a manguluka okulombwela Jesus, eshi Maria a li ite mu kwafele nokuviyauka. Pokavilo oko, Jesus okwa li a kwafela ovakainhu ovo vavali ve lihonge oshilihongomwa sha fimana. Eshi a kala he va talele po peemhito da yoolokafana, okwa li e va ulikila kutya oku na ko nasha navo nosho yo omumwaina Lasarus. (Joh. 12:1-3) Nopehe na omalimbililo, eshi Lasarus a li ta ehamenene, Maria naMarta ova li va ka konga ekwafo kuJesus. — Joh. 11:3, 5.