Eshi Jesus a wanifa omafiku 40, ovadali vaye ova li ve na oku mu twala peni? Ova li ve na oku mu twala kotembeli oyo ya li popepi noshitukulwa omo ve li, muJerusalem. PaMhango, konima yomafiku 40 eshi okaana kokamati ka dalwa, ina okwa li e na okutwala omayambo okuliyelifa kotembeli. — Levitikus 12:4-8.

Maria osho a li a ninga. Okwa twala ounghutyona vavali ve li eyambo laye. Osho otashi ulike kutya ouxupilo waJosef naMaria owa li wa tya ngahelipi. PaMhango, okwa li ku na okuyandjwa okadjona nokanghutyona. Ashike ngeenge ina ke na odi, ota dulu okuyandja ounghutyona vavali ile eenghuti mbali di li eyambo. Na Maria ovo a li a yandja.