Ovadali, kwafeleni ovana veni va pondole

Ovadali ovatilikalunga ohava kala va halelela ovana vavo va kale ovapiya vaJehova ovadiinini. Ovadali otava dulu oku va kwafela mokufindila omahongo Ombiibeli momitima davo okudja kounona. (Deut 6:7; Omayel 22:6) Mbela osho otashi pula omhepo yeliyambo? Heeno, ashike ohashi eta yo oidjemo iwa. — 3 Joh 4.

Ovadali otava dulu okulihonga shihapu kuJosef naMaria. “Ova li hava i kuJerusalem omudo keshe koshivilo shaPaasa,” nonande osha li hashi pula eliyambo nosho yo oiniwe. (Luk 2:41) Osha yela kutya ova li hava yandje elitulemo keemhumbwe davo dopamhepo. Sha faafana, kunena ovadali otava dulu okukwafela ovana vavo mokulongifa omhito keshe opo ve va honge okupitila meendjovo nomoshihopaenenwa shavo shiwa. — Eps 127:3-5.

TALENI OKAVIDIO OVA LONGIFA OMHITO KESHE, NOKUKUNDAFANA OMAPULO TAA SHIKULA:

• Ongahelipi Jon naSharon Schiller va pitifa komesho Ouhamba eshi va li tava tekula ovana vavo?

• Omolwashike ovadali ve na okuhonga, okukumaida nokupukulula ounona she likolelela keemhumbwe dokaana keshe ?

• Ongahelipi ovadali tava dulu okukwafela ovana vavo ve lididimike ngeenge eitavelo lavo tali yelekwa?

• Oilongifo yomehangano laJehova ilipi wa longifa opo u kwafele ovana voye va kule pamhepo?