Wotete okwa nyamukula a ti: “Omaadi eemono eelitela 2 200.” Oo a li e na oikolo oyo otashi dulika a li e na oshikunino sheemono ile ha landifa omaadi oo. Elenga ola tya kuye: “Kufa omukanda woye weudafanotwokumwe, kala omutumba ndele to shange po divadiva eelitela 1 100.” — Lukas 16:6.

Elenga ola li natango tali pashukile oinima yomwene walo, sha hala kutya ola li li na oufemba wokuninipika oikolo. Eshi la ninipika oikolo yavo, kungaho otali pange oukaume naavo tashi dulika ve ke li kwafele ngeenge ola di mo moilonga.